لە هێرشێکی داعشدا بۆ سەر كێڵگەی نەوتی بای حەسەن پۆلیسێك كوژرا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لە هێرشێکی داعشدا بۆ سەر كێڵگەی نەوتی بای حەسەن پۆلیسێك كوژرا

بەرەبەیانی ئەمڕۆ چوارشەممە تیرۆریستانی داعش هێرشیان كردووەتە سەر كێڵگەی نەوتی بای حەسەن لە ڕۆژئاوای پارێزگای کەرکووک و بەو هۆیەوە پۆلیسێك كوژراوە و سێ پۆلیسی دیکەش بریندار بوون.

عامر نووری، گوتەبێژی پۆلیسی كەركووك، بە (باسنیوز)ی ڕاگەیاند: "كاتژمێر 1ی بەرەبەیانی ئەمڕۆ چوارشەممە 5ی 5ی2021، تیرۆریستانی داعش هێرشیان كردووەتە سەر كیڵگەی نەوتی بای حەسەن لە ڕۆژئاوای پارێزگای کەرکووک".

گوتیشی: "لە ئاكامی ئەو هێرشەدا پۆلیسێك کوژراوە، هەروەها سێ پۆلیسیش بریندار بوون".

گوتەبێژی پۆلیسی كەركووك، ڕاشی گەیاند: "هێزی ئەمنی بۆ پشتگیری گەیشتوونەتە شوێنی رووداوەكە و شەڕەكە كۆتایی هاتووە و تیرۆریستانی داعش سنوورەكەیان بەجێ هێشتووە".

ماوەی یەک هەفتەیە چەکدارانی داعش لە هەر دوو پارێزگای کەرکووک و دیالە هێرشەکانیان بۆ سەر هێزە ئەمنییەکانی عێراق چڕتر کردووەتەوە و لە زۆرێک لە ناوچەکان جموجۆڵیان زیاتر بووە.