چاودێرێك بۆ سەركردەیەكی كۆمەڵ: سەیرە بەم رەمەزانە ئیسلامییەك بۆ پارە چاوپۆشی لە قاچاخچێتیی سنوورەكانی سلێمانی بكات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

چاودێرێك بۆ سەركردەیەكی كۆمەڵ: سەیرە بەم رەمەزانە ئیسلامییەك بۆ پارە چاوپۆشی لە قاچاخچێتیی سنوورەكانی سلێمانی بكات

”دەیان راپۆرت و ڤیدیۆ لەلایەن ویژدان زیندووەكان لەسەر ئەو قاچاخچێتییە بڵاو كراوەتەوە“

چاودێرێكی سیاسی وەڵامی سەركردەیەكی كۆمەڵی دادگەریی كوردستان دەداتەوە و سەرسوڕمانی خۆی لەوە دەردەبڕێت كە ”بەم ڕەمەزانە“ كەسێكی ئیسلامی بۆ پارە چاوپۆشی لە قاچاخچێتیی دەروازە سنوورییەكانی سلێمانی بكات.

محەمەد حەكیم، ئەندامی ئەنجوومەنی سیاسیی كۆمەڵی دادگەریی كوردستان لە نوێترین لێدوانیدا كە میدیاكانی سەر بە تاقمی خۆفرۆشی ١٦ی ئۆكتۆبەر بایەخیان پێداوە، بانگەشەی ئەوە دەكات گوایە بەڵگە نییە لاهوور جەنگی، هاوسەرۆكی یەكێتی قاچاخچێتی لە دەروازە سنوورییەكانی سلێمانیدا بكات.

لە بەرامبەردا ناسیح غەفوور، چاودێری سیاسی و پەرلەمانتاری پێشوو بۆ (باسنیوز) سەرسوڕمانی خۆی لەوە دەربڕی كە كەسێكی ئیسلامی لەم مانگی رەمەزانەدا لەبەر پارە چاوپۆشی لە قاچاخچێتییەكانی دەروازە سنوورییەكانی سلێمانی بكات لە كاتێكدا دەیان راپۆرت و ڤیدیۆی قاچاخچێتییەکە لە لایەن پەرلەمانتارانی گۆڕان و پارتی و نووسەر و رۆژنامەنووسە ویژدان زیندووەکان بڵاو كراوەتەوە.

ڕوونیشی كردەوە: ”وادیارە بۆیە پاشگری ئیسلامییان لە حزبەكەیان كردۆتەوە تا كەسانی وەك محەمەد حەكیم باشتر شه‌عیه‌ت به‌ دزی و قاچاخچێتیی مه‌رزه‌كانی سلێمانی بدەن، ئەمە عه‌یب نییه‌ به‌م مانگی ره‌مه‌زانه‌ ئه‌و قسانه‌ ده‌كات؟“.

جەختیشی كردەوە كە مرۆڤ ”بێده‌نگ بێت باشتره‌ له‌وه‌ی پاساو بۆ قاچاخچێتی بهێنێتەوە، چونكە هەموان دەزانن لە سلێمانیدا هیچ كارێك بەبێ تاقمێكی یەكێتی ناكرێت و گرووپەكانی ئەوانن نووسینگەیان بۆ قاچاخچێتی لە سلێمانی داناوە“.

ئەوەشی ئاشكرا كرد كە دوور نییە لە ئەنجامی نزیكبوونەوەیان لە گرووپێكی خیانەتكار، سەركردەكەی كۆمەڵ ئەم قسانە بكات و موجامەلەیان بكات.

دووپاتیشی كردەوە: ”مرۆڤ خۆی به‌ موسوڵمان بزانێت، عه‌یبه‌ درۆ بكات، بە تایبەتیش لە مانگی رەمەزاندا“.