بەهۆی پەراوێزخستنیانەوە هەولێرییەكانی نێو یەكێتی نیگەرانن و هەوڵی خۆڕێكخستنەوە دەدەن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بەهۆی پەراوێزخستنیانەوە هەولێرییەكانی نێو یەكێتی نیگەرانن و هەوڵی خۆڕێكخستنەوە دەدەن

شاڵاو كۆسرەت ڕەسووڵ لەگەڵ فەرماندە سەربازییەكانی حزبەكە كۆدەبێتەوە

یەكێتیی نیشتمانیی كوردستان كە بە درووشمی نوێبوونەوە كۆنگرەی چوارەمی خۆی بەست، سەركردە و كادیرانی هەولێری خۆی پەراوێز دەخات و بەم هۆیەشەوە كۆبوونەوەیەكی فەرماندە و سەركردە سەربازییەكانی حزبەكە لەگەڵ شاڵاو كۆسرەت ڕەسووڵ بەڕێوە دەچێت.

هەرچەندە لە كۆنگرەی چوارەمی یەكێتییەوە تا ئێستا، حزبەكە وای نیشان دەدا كە ململانێ ناوچەگەرییەكانی تێپەڕاندووە، بەڵام بە پێكهێنانی هاوپەیمانێتییەكەی یەكێتی و گۆڕان و بە تایبەتیش دوای ئەوەی شاڵاو كۆسرەت ڕەسووڵ بە فەرمی ئاشكرای كرد كە هیچ یەكێك لە سەركردە و كادیرانی هەولێری یەكێتی ئاگاداری ڕێككەوتنەكە نین، دەركەوت كە حزبەكە بە یەكجارەكی كادیرانی هەولێری پەراوێ خستووە.

لە بەرامبەر ئەم پەراوێزخستنە، دوێنێ دووشەممە ٣ی ئایاری ٢٠٢١، شاڵاو كۆسرەت رەسووڵ كۆبوونەوەیەكی لەگەڵ فەرماندە سەربازییەكان و كادیرانی یەكێتی لە هەولێر، بە تایبەتیش ئەوانەی لە باڵەكەی كۆسرەت رەسووڵەوە نزیكن، كردووە.

لەمبارەیەوە ناوەندی وەستانەوەی یەكێتی كە رەوتێكی نێو حزبەكەیە و لەوەتەی كۆنگرەی چوارەمی یەكێتییەوە دامەزراوە، لە تۆڕی كۆمەڵایەتیی (فەیسبووك) بڵاوی كردۆتەوە، لە كۆبوونەوەكەدا فەرماندە سەربازییەكانی هەولێری یەكێتی تووڕەیی خۆیان بەرامبەر بڕیاری تاكڕەوانەی چەند كەسێكی نێو یەكێتی و پەراوێزخستنی سەركردە و كادیرانی هەولێر دەربڕیوە و داوای ئەوەش كراوە هاوهەڵوێستییەك لە دژی ئەو بڕیارانە دروست بكەن.

بەپێی زانیارییەكانی (باسنیوز)، هەولێرییەكانی نێو یەكێتی لە كۆبوونەوەكەی دوێنێدا داوایان لە شاڵاو كۆسرەت ڕەسووڵ كردووە، هەوڵی یەكخستنی هەولێرییەكان بدات بۆ ئەوەی ڕێگە لە پەراوێزخستنی زیاتریان بگرێت.

پێشتریش هەر لە ئەنجامی ئەو هاوپەیمانێتییەی یەكێتی و گۆڕان و نەگەڕانەوە بۆ هەولێرییەكانی نێو یەكێتی، ڕێباز بێركۆتی، سەرۆكی فراكسیۆنی یەكێتی لە ئەنجوومەنی پارێزگای هەولێر كە كاندیدبوو بۆ هەڵبژاردنی پەرلەمانی عێراق، كشانەیەوە.

 

وێنە: كۆبوونەوەكانی شاڵاو كۆسرەت ڕەسووڵ لەگەڵ فەرماندە و كادیرانی هەولێری یەكێتی