فاتیمە مزووری: راگەیاندن ھێز و توانا و خۆڕاگریی پێبەخشیووم
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

فاتیمە مزووری: راگەیاندن ھێز و توانا و خۆڕاگریی پێبەخشیووم

فاتیمە مزووری خانمە راگەیاندکار و پێشکەشکاری (کوردستان تیڤی) لە دیدارێکی (باسنیوز) دا باس لە ئەزموونی چەندین ساڵی خۆی لە بواری راگەیاندندا دەکات.

فاتیمە بۆ (باسنیوز) گوتی: "لە ساڵی (٢٠٠٦)ەوە چوومەتە ناو دونیای راگەیاندن کە ئەوکات تەمەنم (١١) ساڵ بوو بەرنامەی منداڵانم لە رادیۆ لە سۆران پێشکەش دەکرد بە ناوی (سەمای پەپوولەکان)، هەروەها ماوەی (١٠) ساڵ لە رۆژنامە کارم کردووە وەکو پەیامنێر، ئەو کاتەی دەستم بە کاری راگەیاندن کرد تەمەنم زۆر بچوک بوو بەڵام ئەو بەیانیانەی کە بەرنامەم هەبووایە شەوەکە لە خۆشیا نەمدەتوانی بخەوم، هەر ئەمەش هۆکار بوو کە سەرەرای هەموو ناخۆشی و بەربەستەکان تاوەکو ئێستا بەردەوامم لەو بوارەدا و خۆشەویستی و هاوکاری خێزانەکەم بەتایبەت هاوسەرەکەم پاڵنەرمن بۆ بەردەوام بوونم لە کارەکەمدا".

دەشڵێت: "راگەیاندن بۆ من هەم خولیایەکی منداڵییە هەم پیشەیە، هێز و توانا و خۆڕاگری پێبەخشیووم و پێویستە راگەیاندکاری سەرکەوتوو خۆراگر و بەهێز و بوێر بێت و پڕ بێت لە ئەزموون، جگە لە کاری راگەیاندنیش هیچ کارێکی تر ناکەم و پاش کار کردن کاتی خۆم بۆ خێزانەکەم تەرخان دەکەم".


فاتیمە راشیگەیاند: "کاری راگەیاندن سەختی خۆی هەیە، بەڵام حەز و خولیا وات لیدەکات قورساییەکان تێبپەڕێنی و بەردەوام بیت، ئێمەش ئافرەتی بەتوانا و لێهاتوومان زۆرە و پەیامم بۆ خانمان ئەوەیە نەترسێن و دەستبەکار بن و هەنگاو بنێن سەرکەوتوو دەبن".