كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

دەوامی فەرمانگەیەکی حكوومی بۆ  ماوەی هەفتەیەک ڕاگیرا

به‌ڕێوه‌به‌رایه‌تى گشتیی كاره‌باى سلێمانى ئاشکرای دەکات به‌هۆی تووشبوونی ژماره‌یه‌كی زۆر فه‌رمانبه‌ران به‌ كۆرۆنا بۆ ماوەی هەفتەیەک دەوام لە بەشێکی فەرمانگەکە ڕادەگیرێت. 

به‌ڕێوه‌به‌رایه‌تى گشتیی كاره‌باى سلێمانى لە ڕوونکردنەوەیەکدا ئەمڕۆ یه‌كشه‌ممه‌ 2/5/2021 ڕایگەیاند: ئاگاداری دانیشتوانی ناو شاری سلێمانی و ده‌وروبه‌ری ده‌كه‌ین کە له‌پێناو پاراستنی ته‌ندروستی هاووڵاتیان به‌گشتی و به‌هۆی توشبوونی ژماره‌یه‌كی زۆر فه‌رمانبه‌رانی به‌شی خزمه‌تگوزاری و فرۆشتنی وزه‌ی به‌رێوه‌به‌رایه‌تی دابه‌شكردنی كاره‌بای سلێمانی به‌په‌تای كۆرۆنا و گیانله‌ده‌ستدانی كارمه‌ندێكمان، له‌پێناو پاراستنی ته‌ندروستی هاووڵاتیان و رێگریكردن له‌ته‌شه‌نه‌سه‌ندن و بڵاوبوونه‌وه‌ی په‌تاكه‌، له‌ ئه‌مڕۆوه‌ بۆ ماوه‌ی هه‌فته‌یه‌ك ده‌وام له‌و به‌شه‌ ڕاده‌گیرێت." 

  کارەبای  سلێمانی ڕوونیشی کردووه‌تەوە، "بۆیه‌ داواكارین هاووڵاتیان بۆ مامه‌ڵه‌ی كاروباروی وزه‌ و تاپۆ و ڕوخاندنى خانوو، پشكنینى پێوه‌رى كاره‌با و پاكتاوى پاره‌ى كاره‌با سه‌ردانی به‌رێوه‌به‌رایه‌تی دابه‌شكردنى كاره‌باى سلێمانى نه‌كه‌ن."