یەكێتیی ئەورووپا داوا لە دانیمارك دەكات پەنابەرانی سووریا نەنێرێتەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

یەكێتیی ئەورووپا داوا لە دانیمارك دەكات پەنابەرانی سووریا نەنێرێتەوە

ئیلفا یوهانسون بەرپرسی كۆمسیۆنی پەنابەران لە كۆنگرەیەكی ڕۆژنامەوانیدا داوای لە وڵاتی دانیمارك كرد بە هیچ شێوەیەك پەنابەرانی سووریا ڕەوانەی وڵاتەكەیان نەكاتەوە.

دوای ئەوەی رۆژی سێشەممەی ڕابردوو حكوومەتی دانیمارك بڕیاری دا پێداچوونەوە بە ژمارەیەك كەیسی پەنابەراندا بكات و ژمارەیەكیان ڕەوانەی وڵاتەكەیان بكاتەوە، یوهانسونی بەرپرسی كۆمسیۆنی پەنابەران هاتە دەنگ.

یوهانسون لە قسەكانیدا گوتی ڕێزگرتن لە پەنابەران واتە ڕێزگرتن لە بڕیارەكانی رێكخراوی كۆچبەرانی نەتەوەیەكگرتووەكان، بۆیە پێویستە دانیمارك بە هیچ شێوەیەك بڕیاری ناردنەوەی پەنابەران نەدات.

هەروەها رێكخراوی لێبووردنی جیهانیش سەبارەت بەم بڕیارەی دانیمارك راگەیەنراوێكی بڵاو كردۆتەوە و دەڵێ ئەو بڕیارەی دانیمارك نایاساییە و پێویستە بڕیارێكی دروستر بدات.

جێی باسە حكوومەتی دانیمارك رای گەیاندبوو كە پەنابەرانی سووریا دەنێرێتەوە وڵاتەكەیان، چونكە بە گوتەی كۆپنهاگن، ئێستا سووریا ئارامە.