كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

دهۆک.. كاروانه‌كێ عۆمره‌كاران به‌ره‌ف سعۆدیێ برێكه‌فتن

پشتى په‌یدابوونا په‌تایا كۆرونایێ ل پتریا وه‌لاتێن جیهانێ، بۆ ده‌ما زێده‌تر ژ ساله‌كێ ژ راوه‌ستاندنا گه‌شتێن عۆمرێ، شەڤا بوری ل دهۆكێ ئێكه‌م كارۆانێ عۆمره‌كاران بۆ عه‌ره‌بستانا سعۆدیێ برێكه‌فتن.

مه‌لا سه‌رمه‌د جەمیل، رێڤه‌به‌رێ رێڤه‌به‌ریا حه‌ج و عۆمرێ ل پارێزگه‌ها دهۆكێ بۆ (باسنیوز) دیاركر: "زێده‌تر ژ ساله‌كێ یه‌ ژ ئه‌گه‌رێ په‌تایا كۆرونایێ گه‌شتێن عۆمرێ بۆ وه‌لاتێ هاتبوونه‌ راوه‌ستاندن، ئه‌ڤ شه‌ڤه‌ ب باژێرێ دهۆكێ كارۆانه‌كێ عۆمره‌كاران به‌ره‌ف عه‌ره‌بستانا سعۆدیێ برێكه‌فتن".

گۆت ژى: "ئه‌ڤ كارۆانه‌ دێ سپێدەھیا ئەڤرو دەمژمێر (٥:٠٠)ی سپێدێ ژ فرۆكخانا هه‌ولێرا پایته‌خت برێكه‌ڤن و كارۆانێ ناڤبرى ژ نێزیكى 25 كه‌سان پێك دهێت و تا كۆ پشتى جه‌ژنا ره‌مه‌زانا پیرۆز دێ ل وه‌لاتێ سعۆدیێ مینن".

دیارکر ژی: "چوونا كارۆانێن عۆمره‌كاران دێ به‌رده‌وام بیت و هه‌لبه‌ت چوون دێ ب پێگیریا رێنمایێن خۆپاراستنێ هێنه‌ ئه‌نجام دان و ئه‌ڤه‌ د ده‌مه‌كێ دا یه‌ كۆ به‌رى ره‌وشا كۆروانیێ سالانه‌ نێزیكى 5 هزار كه‌س بۆ ئه‌داكرنا حه‌ج و عۆمرێ ل پارێزگه‌ها دهۆكێ قه‌ستا عه‌ره‌بستانا سعۆدیێ دكرن".