ئهڤرۆ رۆژا ئێك شهمبى رێكهفتێ 25/4/2021، پارێزگارێ دهۆكێ سهرهدانا قهزا شێخان كر، د كۆنگرهیهكێ رۆژنامهڤانى دا هژمارهكا پرۆژێن گرنگ بۆ خهلكێ وێ دهڤهرێ راگههاندن.
د.عهلى تهتهر، پارێزگارێ دهۆكێ د كۆنگرهیێ رۆژنامهڤانى دا گۆت: "بهرى دهمهكێ مه سهرهدانا قهزا شێخان كربو، كۆ ل وى دهمى ب كۆژمێ 7 ملیار دیناران چهند پرۆژه هاتبونه راگههاندن، ئهڤرۆ ژى مه سهرهدان كریه و ب كۆژمێ 4 ملیارێن دیتر ژى بۆ قۆناغا ئێكێ پرۆژه هاتنه راگههاندن و ل قۆناغێن بهێت ژى دێ خزمهتكرنا ڤێ دهڤهرێ بهردهوام بیت".
پارێزگارێ دهۆكێ ئهو چهنده ژى دۆپاتكر: "سهرۆكێ حكومهتا ههرێما كوردستانێ یێ رژده خۆ ل ئاریشێن خهلكێ بكهینه خۆدان و رازیبون بۆ پرۆژێن قۆناغا ئێكێ هاتیه كرن، ل داهاتى وهكه قۆناغا دویێ ژى دێ بهردهوام بیت".
گۆت ژى: "پتریا پرۆژێن ڤێجارێ بۆ ناحیانه و پشكا شێرێ بۆ ناحیا كهلهكچى یه، وهكه دروستكرنا یاریگههان بۆ گهنجان و چهندین پرۆژێن دیتر یێن گرنگ بۆ خزمهتكرنا خهلكێ دێ هێنه دروستكرن".