بەوێنە.. دەستڕەنگینیی كچە بەهرەمەندێكی سۆران
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بەوێنە.. دەستڕەنگینیی كچە بەهرەمەندێكی سۆران

بەهرە و هونەری وێنەكێشانی كچە قوتابییەكی پەیمانگای هونەرە جوانەکانی رواندز، شێوەكارانی سەرسام كردووە و دەشڵێت: “خولیای هونەری وێنەكێشانم بۆ سەردەمی منداڵی دەگەڕێتەوە”.

مینا عەبدوڵا محەمەد، لەدایكبووی 2003، دانیشتووی شاری سۆران، قوتابیی بەشی شێوەكاریی پەیمانگای هونەرە جوانەكانی رواندز، بە (باسنیوز)ی راگەیاند، هەر لە تەمەنی منداڵییەوە حەز و خولیایەكی زۆرم بۆ هونەری وێنەکێشان هەبووە، کاتێ رووشم لە قوتابخانە كرد، لەسەر كاری هونەری بەردەوام بووم”.

گوتیشی: “لە قۆناغی 9ی ناوەندی، مامۆستای وانەی هونەر (م. ڕەوەز) بەهرە و توانا و حەزی منی بینی، پێشنیاری پەیمانگای هونەرە جوانەكانی بۆ كردم، كە لەوێ‌ زیاتر رۆڵی خۆم ببینمەوە و زیاتر پەرە بە بەهرە و تواناکانم بدەم، بەمەش ساڵی 2018 - 2019 سەرەتای ئاشنابوونم بوو بە پەیمانگای هونەرە جوانەكانی رواندز".

مینا دەشڵێ: “خۆشبەختانە توانیومە چەندین تابلۆ و وێنەی دەستی بكێشم، كە ببنە جێگەی دەستخۆشی و سەرسامیی مامۆستایان و شێوەكاران، بەردەوامیش دەبم لەسەری و بۆ داهاتوو خولیا و ئاواتی زۆرم هەیە".

ئاماژەشی بەوە دا: “شانازییە بۆ من، كە وەك كچە پێشمەرگەیەك، باوكم لە بەرەكانی جەنگ خزمەتی وڵات و نیشتمان دەكات، منیش لە ڕێگەی هونەرەکەمەوە خزمەتی وڵاتەكەم بكەم”.