بارەگای بارزانی راگەیەندراوێكی لەبارەی فڕێدانی لاپەڕەكانی قورئانی پیرۆز بڵاو كردەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بارەگای بارزانی راگەیەندراوێكی لەبارەی فڕێدانی لاپەڕەكانی قورئانی پیرۆز بڵاو كردەوە

"دەبێ ڕێگە لەو جۆرە تاوان و ڕەفتارە ناشایستانە بگیرێت"

ئەمڕۆ هەینی بارەگای بارزانی راگەیەندراوێكی لەبارەی فڕێدانی لاپەڕەكانی قورئانی پیرۆز لە شەقامێكی هەولێر بڵاو كردەوە.

لە راگەیەندراوەكەدا هاتووە "شەوی ڕابردوو لە تۆڕە كۆمەڵایەتییەكاندا چەند دیمەنی لاپەڕەکانی قورئانی پیرۆز بڵاو كرانەوە كە زۆر بە داخەوە بە دڕێندراوی لە یەكێك لە شەقامەكانی شاری هەولێر فڕێدرابوون. سووكایەتیكردن بە پیرۆزییەكانی خەڵك بابەتێكی مەترسیدارە و بە هیچ شێوەیەك قابیلی قبووڵ نییە، هەر كەس و لایەنێك لە پشت ئەو كردە نابەجێیە بێت، ئامانجی تێكدانی ئاسایشی كۆمەڵایەتی و فیتنەگێڕییە، پێویستە بە سزای خۆی بگات".

هەروەها لە بەشێكی تری راگەیەندراوەكەی بارەگای بارزانیدا هاتووە "ئەوەی ڕووی داوە بەزاندنی هەموو سنوور و هێڵێكی سوورە، داوا لە لایەنە پەیوەندیدارەكان دەكەین بەدواداچوون بۆ ئەم بابەتە بكەن و دەبێ ڕێگە لەو جۆرە تاوان و ڕەفتارە ناشاییستانە بگیرێت".