بەهۆی پەتای كۆرناوە تەواوی دوكان و شوێنی گشتییەكانی خانەقین داخران
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بەهۆی پەتای كۆرناوە تەواوی دوكان و شوێنی گشتییەكانی خانەقین داخران

بە فرمانی بەڕێوەبەری پۆلیسی خانەقین و بە هۆكاری مەتریسی بڵاوبوونەوەی زیاتری پەتای كۆرۆنا، سەرجەم بازاڕ و شوێنە گشتییەكانی خانەقین داخران.

دیار شەكەوت بەڕێوەبەری پۆلیسی خانەقین بە (باسنیوز)ی راگەیاند لەدوا نیوەڕۆی ئەمڕۆ هەینی تەواوی دوكان و بازاڕەكانی خانەقین تا كاتێكی نادیار داخران و رێگەی كردنەوەیان پێنادرێت.

گوتیشی “بەپێی گوتەی بەڕێوەبەری نەخۆشخانەی خانەقین، پەتای كۆرۆنا لە خانەقین و دەوبەری تەشەنەی كردووە”.

هەر لەمبارەیەوە ئازاد محەمەد، بەڕێوەبەری نەخۆشخانەی خانەقین، بە (باسنیوز)ی راگەیاند: “ماوەی چەند رۆژێكە پەتای كۆرۆنا لە خانەقین تەشەنەی کردووە و تەنیا دوینێ 48 حاڵەتی تووشبوون بە پەتای كۆرۆنا لە خانەقین تۆمار كراوە”.