کونسوڵخانەی ئەمریکا: پابەندین بە برەودان بە بێلایەنیی ناوەندە میدیاییەکان لە کوردستان
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

کونسوڵخانەی ئەمریکا: پابەندین بە برەودان بە بێلایەنیی ناوەندە میدیاییەکان لە کوردستان

کونسوڵخانەی ئەمریکا لە رۆژی رۆژنامەگەریی کوردیدا، رایدەگەیەنێت، ئەمریکا پابەندە بە برەودان بە بێلایەنیی ناوەندە میدیاییەکان لە هەرێمی کوردستان.

کونسوڵخانەی گشتیی ئەمریکا لە هەرێمی کوردستان لە پەیجی فەرمیی خۆی لە تۆڕی کۆمەڵایەتیی (فەیسبووک)، رایگەیاندووە: ”ڕێز و سڵاومان هەیە بۆ میدیای کوردی“.

کونسوڵخانەی ئەمریکا جەختی لە پابەندیی وڵاتەکەی بە ”برەودان و پاراستنی پرنسیپە بنەڕەتیەکانی ئازادیی ڕاگەیاندن و دەستڕاگەیشتن بە زانیاری و بابەتیبوون و بێلایەنیی ناوەندە میدیاییەکان لە هەرێمی کوردستان“، کردووەتەوە.

رۆژی 22ـی نیسانی 1898، میقداد مەدحەت بەدرخانی رۆژنامەنووس، یەکەم رۆژنامەی کوردی بە ناوی رۆژنامەی کوردستان لە قاهیرە دەرکرد و رۆژی 21-4-2021یش پەرلەمانی کوردستان رۆژی 22ـی نیسانی بە فەرمی بە رۆژی رۆژنامەنووسانی کوردستان دیاری کرد.