ئەنجوومەنی وەزیرانی کوردستان ملیارێك و 142 ملیۆن مانگانه‌ی بۆ سلێمانی ته‌رخان كرد
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ئەنجوومەنی وەزیرانی کوردستان ملیارێك و 142 ملیۆن مانگانه‌ی بۆ سلێمانی ته‌رخان كرد

ئەنجوومەنی وەزیرانی هه‌رێمی کوردستان، بڕە پارەیەکی بۆ پڕۆژەی كۆکردنەوەی زبڵ و خاشاکی سنووری دوکان و چەمچەماڵ تەرخان کرد.

به پێی نووسراووێکی سەرۆکایەتیی ئەنجوومەنی وەزیرانی هه‌رێمی کوردستان، کە ئەمڕۆ پێنجشه‌ممه‌ 22/4/2021 دەرچووە و کۆپییەکی دەست (باسنیوز) کەوتووە، ئاماژە بە رەزامەندی لەسەر نوێکردنەوەی خەرجیی پڕۆژەی كۆکردنەوەی زبڵ و خاشاکی سنووری زۆنی دووی دوکان - چەمچەماڵ دراوه‌.

بەپێی نووسراوەکە "بڕی یەک ملیار و 142 ملیۆن دینار  مانگانە خەرج دەکرێ بۆ  کۆمپانیای شکار بۆ  پڕۆژەی كۆکردنەوەی زبڵ و خاشاکی سنووری زۆنی دووی دوکان - چەمچەماڵ دراوە".

ئەو بڕە پارەیه  لەسەر بودجەی شارەوانیەکانی سلێمانی خەرج دەکرێ، کە لە 1/1/2021 بۆ  25/3/2021 دەبێت.

هەڤاڵ ئەبووبەکر، پارێزگاری سلێمانی لە په‌یجی خۆی له‌ تۆڕی كۆمه‌ڵایه‌تیی (فەیسبووک)، نووسراوەکەی داناوە و ئاماژه‌ی به‌وه‌ كردووه‌: سوپاس بۆ ڕەزامەندیی و پشتیوانیی ئەنجوومەنی وەزیران، سوپاس بۆ هەموو ئەو بەڕێزانەی بە خەمی ژیان و ژینگە و ئاوەدانکردنەوەی نیشتمانەوەن".

No description available.