وەزارەتی تەندروستی: خواستی هاووڵاتیان بۆ وەرگرتنی ڤاکسینی دژەکۆرۆنا زۆر بووە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

وەزارەتی تەندروستی: خواستی هاووڵاتیان بۆ وەرگرتنی ڤاکسینی دژەکۆرۆنا زۆر بووە

" هەر كەسێك چ جۆرە ڤاكسینێكی وەرگرت دەبێت بۆ ژەمی دووەم هەمان جۆر وەربگرێتەوە"

گوتەبێژی وەزارەتی تەندروستیی حكوومەتی هەرێمی كوردستان ڕایدەگەیەنێت، داواكاری لەلایەن هاووڵاتییانەوە بۆ وەرگرتنی ڤاكسینی كۆرۆنا زۆر بووە، دەشڵێ هەر كەسێك چ جۆرە ڤاكسینێكی وەرگرت دەبێت بۆ ژەمی دووەم هەمان جۆر وەربگرێتەوە.

د. ئاسۆ حەوێزی، گوتەبێژی وەزارەتی تەندروستیی حكوومەتی هەرێمی كوردستان، (باسنیوز)ی ڕاگەیاند: "ئەو ڤاكسینانەی دژە كۆرۆنا كە لە هەرێمی كوردستان هەن، سێ جۆرن و بریتین لە سینۆفار و ئەسترازێنكا و ڤایزەر، هەر كەسێك ژەمی یەكەمی سینۆفارمی وەرگرتبوو لە دوای چوار هەفتە ژەمی دووەمی ئەو جۆرەی ڤاكسینی بەكار دەهێنایەوە، بەڵام جۆرەكانی ئەسترازێنكا و ڤایزەر كە ژەمی یەكەم بۆ هەر كەسێك بەكارهێنرا،لە چوار هەفتەوە تاكوو سێ مانگ دەتوانرێ ژەمی دووەم وەربگرێتەوە".

گوتیشی: "بەپێی بەڵگە زانستییەكان مرۆڤ نابێت دوو جۆر ڤاكسینی دژە كۆرۆنا وەربگیرێت، لە كام جۆر ژەمی یەكەم وەرگیرا، بۆ ژەمی دووەمیش هەر ئەو جۆرە بەكار دەهێنرێتەوە، ئەوەش لەبەرچاو گیراوە و ئەو كەسانە كە ڤاكسینی كۆرۆنا وەردەگرن ناویان داخڵی سیستەم دەكرێت".

ئاماژەی بۆ ئەوەش کرد کە ئێستا داواکاریی بۆ وەرگرتنی کۆرۆنا زیاتر بووە و هەرێمی کوردستان بەردەوام ڤاکسینی بۆ دێت.