ل دهۆكێ ئاستێ ئاڤێ د ناڤبه‌را پێنج هه‌تا 10 مه‌تران كێمبوویه‌
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ل دهۆكێ ئاستێ ئاڤێ د ناڤبه‌را پێنج هه‌تا 10 مه‌تران كێمبوویه‌

رێڤه‌به‌رێ ئاڤا ژێرزه‌ڤى ل پارێزگه‌ها دهۆكێ دیاركر، زه‌نگا مه‌ترسیا هشكه‌سالى لێدایه‌ ل گه‌له‌ك جه و ده‌ڤه‌ران ئاستێ ئاڤێ گه‌له‌ك كێمبوویه‌، هه‌تا وه‌رزێ هاڤینێ دێ ئاستێ ئاڤێ هێشتا كێمتر بیت.

ناجى ئیبراهیم، رێڤه‌به‌رێ ئاڤا ژێرزه‌ڤى ل پارێزگه‌ها دهۆكێ ب وه‌كاله‌ت بۆ (باسنیوز) راگه‌هاندكو: "بۆ به‌رهه‌نگاریا هشكه‌سالى پێدڤیه‌ هه‌ر نۆكه‌ به‌رهه‌ڤی بهێنه‌ كرن، چونكو هه‌كه‌ پێشبینی دهێته‌ كرن وه‌رزێ هاڤینێ دا ژێده‌رێ ئاڤا ڤه‌خارنێ ل هنده‌ك گوندان هشك بن، هه‌ر نۆكه‌ ئاستێ ئاڤێ دناڤبه‌را پێنج هه‌تا 10 مه‌تران كێمبوویه، ل هنده‌ك جه و ده‌ڤه‌ران به‌ری نۆكه‌ هه‌تا 200 مه‌تران ئاڤ ژبن ئه‌ردێ ده‌ردكه‌ڤت لێ نۆكه‌ 250 مه‌تران ئه‌رد دهێته‌ كولان ژنۆكه‌ ئاڤ ده‌ركه‌ڤیت، ئه‌ڤه‌ بخۆ ئاماژه‌كا مه‌ترسیداره‌ ل سه‌ر كێمبوونا ئاستێ ئاڤێ".

ئاشكه‌را كركو: "ل سه‌رانسه‌رێ پارێزگه‌ها دهۆكێ سێ هزار و 400 بیرێن ئاڤێ هاتینه‌ دروستكرن، هنده‌ك ژى بۆ كارێن ڤه‌خارنێ، هنده‌ك ژى بۆ كارێن چاندنێ هاتینه‌ دروستكرن، به‌رده‌وام خه‌لك داخوازا مۆله‌تان دكه‌ن بۆ چێكرنا بیرێن ئاڤێ، ئه‌م پشته‌ڤانى ل وان دكه‌ین".