بەوێنە.. گیا بەهارییەكان بازاڕی كاسبكارانی سۆرانی بووژاندووتەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بەوێنە.. گیا بەهارییەكان بازاڕی كاسبكارانی سۆرانی بووژاندووتەوە

ڕۆژانە كاسبكارانی سۆران بۆ هێنانی گیا بەهارییەكان و فرۆشتنەوەیان لە بازاڕی سۆران، ڕوو لە ناوچە شاخاوییەكانی دەڤەرەكە دەکەن، ئەوەش هەلی كاری بۆ سەدان كەس لەو بازاڕە رەخساندووە.

 رەسووڵ ئەحمەد، یەكێك لەو كاسبكارانەی شاری سۆران، بە (باسنیوز)ی راگەیاند: "لەم وەرزەی ئێستا کە كاتی پێگەیشتنی گیا بەهارییەكانی وەك (رێواس، هەندرێشە، سترێلك، لووش، گۆرمزە، كوزەڵە و سۆریاز و...)ە و لەلایەن هاووڵاتییانەوە خواستی زۆریشیان لەسەرە، ئەوەش وای كردووە كە ئێمە و سەدان كاسبكاری دەڤەرەكە لەم رێگەیەوە داهاتی رۆژانەمان بەدەست بهێنین".

 ئەوەشی خستە ڕوو: "نرخی كێلۆیەك یان دەستەیەک لەم گیا باهارییانە بەگشتی لە نێوان هەزار تا چوار هەزار دینارە، بەرزترین نزخیش هی كوارگ (قارچك)ی كوێستانەكان، كە نرخی كیلۆیەكی زیاتر لە 20 هەزار دینارە.