ڕێژەی منداڵ لە سێ شاری باكووری كوردستان لە هەموو توركیا زیاترە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ڕێژەی منداڵ لە سێ شاری باكووری كوردستان لە هەموو توركیا زیاترە

دەزگای ئاماری تورکیا: ساڵ لە دوای ساڵ ڕێژەی منداڵ کەمتر دەبێت

یەكێك لەو كێشە کۆمەڵایەتییانەی ئێستا لە توركیا هەیە، كەمیی ژمارەی منداڵە و بە گوێرەی ئدەزگای ئاماری تورکیا ساڵ لەدوای ساڵ رێژەی منداڵ لەو وڵاتە بەرەو كەمبوونەوە دەچێت، بەڵام سێ شاری باكووری كوردستان، رێژەی بوونی منداڵ لە هەموو شارەكانی تری توركیا زیاترە.

دەزگای ئاماری توركیا لەمبارەوە بڵاوی كردووتەوە رێژەی منداڵ لە توركیا ٢٢ ملیۆن و ٧٥٠ هەزار و ٦٥٧ کەسە، پێشبینی دەكرێت ساڵ لە دوای ساڵ ئەو رێژەیە كەم ببێتەوە.

لە ساڵی ١٩٧٠ رێژەی منداڵ لە توركیا ٤٨.٥٪ بووە، بەڵام لە ١٩٩٠ بۆ ٤١.٨٪ دابەزیوە و لە ٢٠٢٠دا ئەو ڕێژەیە بۆ ٢٧.٢٪ دابەزیوە.

یەكێك لەو هۆكارانەی وای كردووە، رێژەی منداڵ لە توركیا كەم بێتەوە، هەژارییە و هاووڵاتیان ناتوانن منداڵ زۆر بخەنەوە، چونكە بەخێوكردنی منداڵ لەڕووی ئابوورییەوە ئەركێكی قورسە.

سەرەڕای کەمبوونی ڕێژەی منداڵ لە تورکیا، بەڵام لە سێ شاری باكووری كوردستان، رێژەی منداڵ لە هەموو شارەكانی توركیا زیاترە.

بە گوێرەی زانیارییەكانی دەزگای ئاماری توركیا.لە شاری روحای باكووری كوردستان، رێژەی منداڵ ٤٥.٣٪ە و لە "شرناخ"یش ٤٢.٨٪ و لە "ئاگری"ش ٤٠.٩٪، كە لە هیچ شارێكی توركیا رێژەی منداڵ بەو شێوەیە نییە.

دەزگای ئاماری توركیا پێشبینی دەكات، لە ساڵی ٢٠٢٥دا لە توركیا رێژەی منداڵ بۆ ٢٦.٦٪ داببەزێت و لە ٢٠٣٠ بۆ ٢٥.٦٪ و لە ٢٠٤٠ بۆ ٢٣.٣٪ و لە ٢٠٦٠ بۆ ٢٠.٤٪ و لە ٢٠٨٠ ش بۆ ١٩٪ داببەزێت.

شارەزایان لەو باوەڕە دان کەمیی رێژەی منداڵ لە توركیا، مەترسی بۆ داهاتووی ئەو وڵاتە دروست دەكات، ئەویش زۆربوونی رێژەی توێژی پیر و كەمبوونی رێژەی گەنجانە. هەروەها هێزی كاریش لەو وڵاتە كەم دەكاتەوە.

دەزگای ئاماری توركیا باسی لە وڵاتانی ئەورووپا كردووە، كە بە شێوەیەكی گشتی رێژەی منداڵ لە ئەورووپا ١٨.٢٪ە. هەروەها ئیرلەندای باكوور زۆرترین رێژەی منداڵی تێدایە كە ٢٤.٢٪ و بە دوای ئەویش فەڕەنسا دێت بە ٢١.٦٪ و پاشان سوید ٢١.١٪ە.

ژمارەی دانیشتوانی توركیا بە باكووری كوردستانیشەوە، ٨٣ ملیۆن و ٦١٤ هەزار و ٣٦٢ كەسە.