کوچە و کۆڵانەکانی کەرکووک پڕ زبڵ و خاشاک بوونە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

کوچە و کۆڵانەکانی کەرکووک پڕ زبڵ و خاشاک بوونە

لە كوچە و كۆڵانەكانی كەركووك، هەروەها لە دەروازە و شوێنە گشتییەكانی شارەكە، زبڵ و خاشاكێکی زۆر كەڵەكە بوونە، بەڕێوەبەری شارەوانی كەركووكیش هۆكارەكەی ئاشكرا دەكات.

فەرەیدون وەیس، بەڕێوەبەری شارەوانیی كەركووك بە (باسنیوز)ی ڕاگەیاند: "پێشتر مانگانە یەك ملیار و 200 ملیۆن دینار بۆ هەڵگرتنی زبڵ و خاشاكی كەركووك تەرخان دەكرا، بەڵام ئەوە ماوەیەكە مانگانە تەنیا 200 ملیۆن دینار بۆ ئەو مەبەستە خەرج دەكرێت و ئەو بڕە پارەیەش زۆر كەمە و بەشی ئەوە ناكات، كە 20%ی زبڵ و خاشاكی شاری كەركووك هەڵبگیرێت".

گوتیشی: "لەم مانگەدا و بەتایبەت لە یەكەم رۆژی ڕەمەزانەوە، زبڵ و خاشاك زیاتر فڕێ دراوە و ئەو بڕە پارەیەش ئەمڕۆ تەواو بوو، كە مانگانە بۆمان تەرخان دەكرا، واتا تاكو سەری مانگ ئیتر تەنیا بە كەرەستەكانی شارەوانیی خۆمان كارەكان دەكەین".

بەڕێوەبەری شارەوانیی كەركووك روونیشی کردەوە: "هاوشێوەی شارەكانی هەرێمی کوردستان، لە کەرکووک كۆمپانیای تایبەت بە هەڵگرتنی زبڵ و خاشاكمان نییە، بەڵکو ژینگەپارێزمان هەیە، بەڵام ئامێر و كەرەستەی هەڵگرتنی زبڵ و خاشاكمان كەمە و ئەو بڕە پارەیەش، کە بۆمان خەرج دەکرێت، بۆ مانگانە بەکرێگرتنی ئامێرە"..