ژمارەی تووشبووانی ڤایرۆسی کۆرۆنا لە شاری کەرکووک ڕوو لەزیادبوونە و فەرمانگەی تەندروستیی شارەکەش لەمبارەیەوە هۆشداریی دەدات.
سامان یابە، گوتەبێژی فەرمانگەی تەندروستیی كەركووك، بە (باسنیوز)ی ڕاگەیاند: "نەخۆشخانەی شیفا لە كەركووك كە تایبەتە بە توشبووانی كۆرۆنا ئێستا پڕە لە تووشبووانی كۆرۆنا و دەرفەتی ئەوە نەماوە توشبووی دیکە وەربگرن".
گوتیشی: "لەکۆی تووشبووەکانی نێو نەخۆشخانەکە زیاتر لە 30 كەس بە توندی تووشی پەتاکە بوونە و ئێستا لەژێر ئۆكسجینن و دۆخی تەندروستییان ناجێگیرە".