لە تەقینەوەیەكدا لە دیالە سێ سه‌رباز بوونه‌ قوربانى
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لە تەقینەوەیەكدا لە دیالە سێ سه‌رباز بوونه‌ قوربانى

لە سنووری شاری باقووبەی ناوەندی پارێزگای دیالە، بۆمبێكی چێندراو تەقییەوە و بە هۆیەوە سێ سەربازی عێراقی بوونە قوربانی.

نیهاد محەمەد، گوتەبێژی پۆلیسی دیالە، بە (باسنیوز)ی راگەیاند: “ئەمڕۆ دووشەممە 19/4/2021، لە سنووری شاری باقووبەی ناوەندی پارێزگای دیالە و لە رێگەیەكی خۆڵ، بۆمبێكی چێندراو بە هێزەكانی سوپای عێراقیدا تەقییەوە".

گوتیشی: "لە ئاكامی ئەو تەقینەوەیەدا سەربازێك گیانی لەدەست دا و دوو سەربازی دیکەیش بریندار بوون".

گوتەبێژی پۆلیسی دیالە راشی گەیاند: "ناوچەكە گەمارۆ دراوە و بریندارەكان گواستراونەتەوە بۆ نەخۆشخانە".

دانانەوەی بۆمب لەسەر رێگا و جادەکان لە شارەکانی ناوەڕاست و باشووری عێراق بووە بە دیاردە و رۆژانە هەواڵی تەقینەوەیان بە کاروانی هاوپەیمانان و هێزە عێراقییەکاندا بڵاو دەکرێتەوە.