كاسبكارانی كورد لەدژی دەسەڵاتی سەپێندراوی كەركووك گرد بوونەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

كاسبكارانی كورد لەدژی دەسەڵاتی سەپێندراوی كەركووك گرد بوونەوە

شەوی ڕابردوو كاسبكارانی كوردی كەركووك دژ بە داخستنی دوكانەكانیان لەلایەن بەرپرسانی سەپێندراوی شارەكەوە، گردبوونەوەیەکی ناڕەزاییان بەڕێوە برد.

مەریوان محەمەد، یەكێك لە كاسبكارانی بازاڕی حەسیرەکە بە (باسنیوز)ی راگەیاند: "لە زۆربەی شوێنەكانی كەركووك بەهۆی مانگی رەمەزانەوە كە بە رۆژ كار ناكرێت، دوكانداران بە شەوان دوكانەكانیان دەكەنەوە، بەڵام بەرپرسانی شارەکە زیاتر فشار بۆ كاسبكارانی بازاڕی حەسیرەكە دێنن كە نابێ بە شەوان كار و كەسابەت بکەن".

گوتیشی: "ئێمە كە بە شەوان ڕێگەی كارمان پێ نادرێت، زیانی زۆرمان بەر دەكەوێت".

هەر لەمبارەوە فەلاح خەلیل، قایمقامی کەرکووک، بە (باسنیوز)ی ڕاگەیاند: "رێوشوێنی داخستنی دوكان و دروستنەبوونی قەرەباڵغی پەیوەندیی بە ڕێكارەكانی كۆرۆناوە هەیە".

  گوتیشی: "ئەو رێوشوێنەی گیراوەتە بەر، بۆ پاراستی گیانی هاووڵاتییان و خودی دووكاندارەكانە لە پەتای كۆرۆنا".