پارێزگارێ دهۆکێ دۆپاتیێ ل یەکسانی و دادپەروەریا دگەل خەلکێ دکەت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

پارێزگارێ دهۆکێ دۆپاتیێ ل یەکسانی و دادپەروەریا دگەل خەلکێ دکەت

 

ئەڤرۆ رۆژا ئێک شەمبی رێکەفتێ ١٨⁄٤⁄٢٠٢١ پارێزگارێ دھۆکێ دگەل قایمقامێن سەر ب پارێزگەھێ ڤە کۆمبونەک ئەنجامدایە و دۆپاتی ل یەکسانی و دادپەروەریا دگەل خەلکێ دکەت.
 
لاپەرێ فەرمی یێ پارێزگەھا دھۆکێ ئەڤرۆ بەلاڤ کریە و دیار کریە کۆ ئەڤرۆ رۆژا ئێک شەمبی رێکەفتێ ٢٠٢١/٤/١٨ د.عەلی تەتەر پارێزگارێ دهۆکێ دگەل دەڤەردارێن پارێزگەها دهۆکێ کۆمبویە و دکۆمبوونێ دا پشتی دان و ستاندنێ ل دۆر رەوشا بەلاڤبوونا پەتایا کۆرونایێ و رێنمایێن خۆپارێزیێ و جێبەجێکرنا وان دۆپاتی لێ هاتیەکرن، پاشان چەندین تەوەرێن دی هاتنە گەنکەشەکرن".
 
د کۆمبونێ دا دوپاتی ل پێگری و بجهئینانا وان ھاتیە کرن وەکە پێگیری ب دەواما فەرمی ب رێک و پێکی بهێتەکرن و نەهێلانا رۆتینێ و ئاسانکاری بو هاولاتیان بۆ برێڤەبرنا مامەلەیێن هاولاتیان و بەرهەنگاربوونا هەر جۆرە گەندەلیەکا کارگێری و دارایی و زێدەگاڤی و ھتد.. ل دویڤ کارنامە و یاسایێن بەرکارێن حکومەتا هەرێما کوردستانێ و سەرەدەریی دگەل هاولاتیان ب یەکسانی و دادپەروەری".
 
ئەو چەندە ژی ئاماژە پێ ھاتیە دان:" زێدەتر نێزیکبوون ل داخوازی و گلە و گازندە و پێشنیارێن هاولاتیان و دیفچوونا بەردەوام ل گرانبوونا بازارێ و لژنێن پەیوەندیدار پتر چاڤدێریا بازاری بکەن".