لە خورماتوو ناكۆكی کەوتووەتە نێوان میلشیاكان و دەسەڵاتی سەپێندراوی شارەکە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لە خورماتوو ناكۆكی کەوتووەتە نێوان میلشیاكان و دەسەڵاتی سەپێندراوی شارەکە

خورماتوو

قایمقامی سەپێنراوی خورماتوو دان بەوەدا دەنێ، كە بەبێ پێشمەرگە دۆخی ئەمنیی داقوق و خورماتوو ناجێگیرە.

بەرپرسێكی پارتی دیموكراتی كوردستان سەبارەت بە نێوانی میلشیاكان و دەسەڵاتی سەپێندراوی خورماتوو دەڵێ، ماوەیەكە میلشیاكان و دەسەڵاتی سەپێندراوی خورماتوو ناكۆكی لەنێوانیاندا هەیە.

ئەرسەلان عەلی، بەرپرسی لیژنەی ناوچەی خورماتووی پارتی دیموكراتی كوردستان، بە (باسنیوز)ی راگەیاند: "ماوەیەكە بەشێكی بەرچاو لە گروپەكانی حەشدی شەعبی و دەسەڵاتی سەپێندراوی خورماتوو ناكۆكی کەوتووەتە نێوانیان".

گوتیشی: "لەم ماوەدا كار گەیشتە ئەوەی، پەرلەمانتارێكی سەر بە حەشد لەلایەن گرووپەكانی بەوە تۆمەتبار بكرێ، كە بەناوی پرۆژەوە لە سنووری ئامرلی و خورماتوو بانگەشە بۆ خۆی دەكات".

ئەو بەرپرسەی پارتی راشی گەیاند: "لەئێستادا هەر قسە و لێدوانێكی بەرپرسانی حكوومی و بەشێك لە گرووپەكانی حەشدی شەعبی لە خورماتوو لەسەر دۆخی ناوچەكە، بۆ دژایەتیكردنی یەكتریانە".

دوێنێ هەینیی 16ی 4ی 2021، حەسەن زەین عابدین، قایمقامی سەپێندراوی خورماتوو رایگەیاندبوو، لەدوای كشانەوەی پێشمەرگە لە 16ی ئۆكتۆبەری 2017 تا ئێستا، نەتوانراوە دۆخی ئەمنیی سنووری خورماتوو و داقوق لەلایەن هێزە عێراقییەكانەوە كۆنترۆڵ بكرێ، هەروەها ناوچەكەشی بە رێڕەوێكی ئارام بۆ تیرۆریستانی داعش ناو برد.