ئه‌مریكا دێ 500 هزار دولاران پێشكێشى ئامێدیێ كه‌ت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ئه‌مریكا دێ 500 هزار دولاران پێشكێشى ئامێدیێ كه‌ت

پشتى كۆ ل سالا بۆرى دا وه‌لاتێ ئه‌مریكا دۆپات كرى دێ هاریكاریا رێڤه‌به‌ریا شوینه‌وارێن پارێزگه‌ها دهۆكێ كه‌ن بۆ نۆژه‌نكرنا ده‌رگه‌هێ شوینه‌وارى یێ ئامێدیێ، ئه‌ڤرۆ قۆنسلێ گشتى یێ ئه‌مریكا ل هه‌ولێرێ سه‌ره‌دانا ئامێدیێ كر و سۆزا پێشكێشكرنا 500 هزار دولاران بۆ ئامێدیێ دۆپات كر.


ئیسماعیل مسته‌فا، قایمقامێ قه‌زا ئامێدیێ داخویانیه‌كێ دا بۆ (باسنیوز) دیاركر: "ل ده‌مێن بۆى دا شانده‌كێ ئه‌مریكا سه‌ره‌دانا ده‌رگه‌هێ شوینه‌وارى یێ ئامێدیێ كربو و سۆزا پشته‌ڤانیێ بۆ نۆژه‌نكرنا ڤى ده‌رگه‌هى دا بوو وئه‌ڤرۆ رۆژا پێنج شه‌مبى روبرت قۆنسلێ گشتى یێ ئه‌مریكا ل هه‌ولێرێ سه‌ره‌دانا مه‌ ل ئامێدیێ كر و سۆزا خۆ ب جه ئینایه‌ كۆ دێ ئه‌مریكا ب پێشكێشكرنا 500 هزار دولاران ده‌گه‌هێ ئامێدیێ نۆژه‌ن كه‌تن" و گۆت ژى: "ل ڤان نێزیکان دێ ژلایێ زانکویا کولومبیا ل ئەمریکا کو ئێکە ژ مەزنترین زانکویان د بیاڤێ شینواردا ل سەرانسەری جیهانێ ده‌ست ب نۆژه‌نكرنا ڤى ده‌رگه‌هێ شوینه‌وارى هێته‌ كرن".

قایمقامێ قه‌زا ئامێدیێ دۆپاتى ل وێ چه‌ندێ ژى كر: "مه‌ ژ قۆنسلێ ئه‌مریكا خۆاستیه‌ ل سه‌ر پێشكێشكرنا ڤان هاریكاریان به‌رده‌وام بن چونكه‌ قه‌زا ئامێدیێ پره‌ ژ جهێن شوینه‌وارى مینا قوتابخانا قۆبه‌هان وچه‌ندین جهێن دیتر، له‌ورا ب نۆژه‌نكرنا ڤان جهان مێژوویا ڤێ ده‌ڤه‌رێ به‌رده‌وام ژلایێ شوینه‌واران دێ پاراستى بیت ول ده‌مه‌ك نێزیك ب كۆژمێ 500 هزار دولاران ئه‌مریكا دێ ده‌ست ب نۆژه‌نكرنا ده‌رگه‌هێ شوینه‌وارى یێ ئامێدیێ كه‌تن".