ل دھۆکێ تەختێن چاڤدێریا چر بۆ نەخۆشێن کۆرونایێ ھاتنە زێدەکرن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ل دھۆکێ تەختێن چاڤدێریا چر بۆ نەخۆشێن کۆرونایێ ھاتنە زێدەکرن

رێكخراوا UNHCR چار ته‌خت وئامیرێن چاڤدێریا چڕ بۆ نه‌خۆشخانا لالاڤ یا كۆرۆنایێ ل دھۆکێ دابینکرن و پارێزگارێ دھۆکێ ژی ل ناڤا نەخۆشخانێ سۆپاسیا رێکخراوا ناڤبری کر.

د.عەلی تەتەر، پارێزگارێ دھۆکێ د کۆنگرەیەکێ رۆژنامەڤانی دا گۆت: "ئه‌ڤرو سپێدێ رۆژا پێنج شەمبی 15/4/2021 ل نه‌خوشخانا لالاڤ یا كورونایێ ل ناوچەداریا فه‌یدیێ ب ئاماده‌بونا رێڤه‌به‌رێ گشتى یێ ساخله‌میێ وبه‌رپرسێ رێكخراوا UNHCR پرۆژێ دابینكرنا چار ته‌خت وئامیرێن چاڤدێریا چر بو نه‌خوشخانا لالاڤ یا كورونایێ ھاتە ڤەکرن سوپاسیێن خۆ ئاراستەی رێكخراوا UNHCR دکەین كۆ ئه‌ڤ جوره‌ هاریكاریه‌ بو نه‌خوشخانا لالاڤ دابینكرین".

گۆت: "لیژنه‌ یێن به‌رهنگاربونا كورونایێ هاتینه‌ راسپاردن كۆ به‌رده‌وام دوویڤچونا رێنمایێن خو پارێزیێ بكه‌ن چونكە مه‌ترسیا كورونایێ به‌رده‌وامه‌ وب دوماهى نه‌هاتیه‌ وداخاز ژهاولاتیان ژى دکەین وه‌كو به‌رى نوكه‌ به‌رده‌وامیێ ب ده‌نه‌ پێگریكرنێ ب رێنمایێن خو پارێزیێ وژیانا خو وخێزانێن خو ب پارێزێن".

پارێزگارێ دهۆكێ ئەو چەندە ژی دیارکر: "داخازێ ژخه‌لكێ پارێزگه‌هێ دکەم كۆ ب رێكا ئه‌لكترونى ناڤێن خو ته‌ماركه‌ن وڤاكسینا دانن دا ژنه‌خوشیا كورونایێ بهێنه‌ پاراستن وداخازا سلامه‌تیێ بو هه‌موو نه‌خوشان دخاژم".

هه‌ژى گوتنێ یه‌ رێكخراوا UNHCR ئه‌ڤرۆ چار ته‌خت وئامێرێن چاڤدێریا چر ب كوژمێ 70,000 دولارا بو نه‌خوشخانا لالاڤ یا كورونایێ ل دھۆکێ دابین كرینه‌.