ل دهۆكێ خێزانێن ده‌ستكورت هاریكاریه‌كا ئاهێن خارنێ وه‌رگرتن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ل دهۆكێ خێزانێن ده‌ستكورت هاریكاریه‌كا ئاهێن خارنێ وه‌رگرتن

 ئه‌ڤرۆ رۆژا سێ شه‌مبى، ئه‌نجۆمه‌نێ ئافره‌تێن دهۆكێ ب هه‌ڤكاریا رێڤه‌به‌ریا گشتى یا چاڤدێرى و كۆمه‌لایه‌تى ل پارێزگه‌ها دهۆكێ رابوون ب دابه‌شكرنا هاریكاریه‌كا ژ جۆرێ ئاهێن خارنێ بۆ چه‌ند خێزانێن هه‌ژار و ده‌ستكورت و ژڤانه‌ ئه‌ڤ هه‌وه‌ به‌رده‌وام بیت.

زه‌رى نه‌وزاد به‌رپرسا ئه‌نجۆمه‌نا ئافره‌تێن دهۆكێ بۆ (باسنیوز) دیاركر:"ب هه‌لكه‌فتا هاتنا هه‌یڤا ره‌مه‌زانا پیرۆز، ب هه‌ڤكاریا رێڤه‌به‌ریا گشتى یا چاڤدێرى و كۆمه‌لایه‌تى ئه‌نجۆمه‌نێ ئافره‌تێن دهۆكێ ئه‌ڤرۆ رابوون ب به‌لاڤكرنا هاریكاریه‌كا ئاهێن خارنێ ل سه‌ر 200 خێزانێن هه‌ژار و ده‌ستكورت".

به‌رپرسا ئه‌نجۆمه‌نا ئافره‌تێن دهۆكێ بۆ (باسنیوز) گۆت ژى:"مه‌به‌ستا مه‌ ئه‌و چه‌نده‌ بوویه‌ ل ڤێ هه‌یڤێ دا خێزانێن هه‌ژار و ده‌ستكورت ژ ڤان جۆره‌ هاریكاریان مفادار ببن و بشێن بۆ فتارێن خۆ بێ كێماسى خارنێ بۆ خێزانێن خۆ دابین بكه‌ن و گۆت ژى:"چه‌ند رۆژێن بهێت دێ مه‌ چه‌ندین پرۆژێن دیتر هه‌بن كۆ پتر بشێن خزمه‌تا وان خێزانان بكه‌ین ئه‌وێن پێتڤى ب هاریكاریێ هه‌ى و ره‌وشا كۆرونایێ كارتێكرن ل گه‌له‌ك خێزانێن هه‌ژار كرینه‌  و دێ هه‌ولده‌ین ده‌ستێ هاریكاریێ بۆ درێژ بكه‌ین".