بنگەهێ‌ لالش یێ‌ رەوشەنبیری دێ‌ بەرهەمەكێ‌ هونەری بەلاڤ كەت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بنگەهێ‌ لالش یێ‌ رەوشەنبیری دێ‌ بەرهەمەكێ‌ هونەری بەلاڤ كەت

بنگەهێ‌ لالش یێ‌ رەوشەنبیری و جڤاكی ل دهۆكێ‌ بەرهەمەكێ‌ نوو یێ‌ هونەری ل سەر جەژنا چارشەمبیا سەر سالێ‌ یا ئێزدیان بەلاڤ دكەت.

جەعفەر سمۆ، دەرهێنەرێ‌ كلیبێ‌ بۆ (باسنیوز) راگەهاند كو: "ئێك ژ باشترین بەرهەمێ‌ هونەری‌ ل دۆر جەژنا سەر سالێ‌ یا ئێزدیان دهێتە بەلاڤكرن. ئەڤ بەرهەمێ‌ هونەرێ‌ ب سپۆنسەریا بنگەهێ‌ لالش هاتیە بەرهەڤكرن. بنگەهێ‌ لالش ئەو كلیب ب ستۆیێ‌ خۆڤە گرتیە، راستی  ژی ناڤەرۆكا وێ‌ گەلەك هێژایە، دەربرینێ‌  ژ رێورەسمێن سەر سالێ‌ ب شێوەیەكێ‌ جوان دكەت. دڤێ‌ تێكستێ یان دڤێ‌ هەلبەستا خۆدا بەحسێ وێ‌ چەندێ دكەت كا چاوا ئێزدی ئاینەكێ‌ گەلەكی كەڤن و دێرینە".

ئاشكەرا كر: "سەرۆكێ‌ دەستەیا بلندا بنگەهێ‌ لالش رازەمەندی‌ ل سەر كلیبێ‌ یان سرۆدا ئایینی كر، ئەم ب ئەركێ‌ دەرهێنانا وێ‌ بەرهەمێ‌ رابووینە كو نڤیسینا ڤێ‌ كلیبێ‌ ژ ئالیێ‌ رەشۆ عەیشانا ڤە بوویە، گەنجەكی ئێزدی یە ل دەرڤەی وەلاتی. ئەز و مازن ئێسیانی ب كارێ‌ دەرهینانێ‌ رابووینە".