عێراق بەشێوەیەکی خێرا بەرەو بەبیابانبوون دەچێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

عێراق بەشێوەیەکی خێرا بەرەو بەبیابانبوون دەچێت

ساڵانە 100 هەزار دۆنم زەویی کشتوکاڵی لەدەست دەدات

عێراق بەشێوەیەکی خێرا بەرەو بەبیابانبوون دەچێت و پسپۆڕان هۆشداریی دەدەن.

د. عەلی حەنوش، پسپۆڕی ژینگەی زانکۆ و ئەندامی ئەنجوومەنی پارێزگای موسەننا، بە رۆژنامەی فەرمیی عێراقی راگەیاندووە: چارەسەرکردنی کێشەی بەبیابانبوون لە عێراق پێویستیی بە بەرنامەیەکی نیشتمانیی درێژخایەنە.

عەلی حەنوش هەروەها رایگەیاندووە: 90%ـی رووبەری پارێزگای موسەننا بیابانە و بەهۆی کەمیی باران و گەرمیی هاوین تێیدا، بەرەو بەبیابانبوونی زیاتر دەچێت.

پسپۆڕان پێیانوایە بەهۆی گۆڕانی کەشوهەوای جیهان بە عێراقیشەوە، بەکارهێنانی زەویی کشتوکاڵی بەهەڵە، کەمیی رێژەی باران و گرتنەوەی ئاوی رووبارەکان لەسەر عێراق لەلایەن وڵاتانی دراوسێوە، عێراق ساڵانە 100 هەزار دۆنم زەویی کشتوکاڵی لەدەست دەدات و دەبێتە بیابان.

میدیا عێراقییەکان ئاماژە بە پێشبینیی زانایانی ژینگە و کەشناسی دەکەن، کە هۆشدارییان داوە لەوەی لە ساڵی 2030، خۆڵی بیابانەکان دەگاتە ناو شەقام و خانووی شارەکان.