نۆژداریا داد یا دهۆكێ: هه‌ردوو هه‌ڤژینێن ئامێدیێ ب لێدانا بریسیێ گیانێ خۆ ژ ده‌ستدایه‌
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

نۆژداریا داد یا دهۆكێ: هه‌ردوو هه‌ڤژینێن ئامێدیێ ب لێدانا بریسیێ گیانێ خۆ ژ ده‌ستدایه‌

پشتى كۆ دره‌نگه‌ ئێڤاریا ئه‌ڤرۆ ل سنورێ ناحیا دێرالۆكێ سه‌ر ب قه‌زا ئامێدیێ ڤه‌ ، دوو هه‌ڤژینا ب ناڤێن(كازم خۆرشید و بۆشرا محه‌مه‌د سه‌دیق) كۆ هه‌ردوو دژیێن ناڤببه‌را 45 بۆ 50 سالیێ دا بوون ب ئه‌گه‌ره‌كێ نه‌دیار گیانێ خۆ ژ ده‌ستدابوو، ژ به‌ر كۆ لاشێ وى زه‌لامى ب رێژه‌یه‌كا زۆر هاتبو سۆتن ژ نۆژداریا داد یا ئامێدیێ بۆ دهۆكێ ته‌رمێن وان هاتبوونه‌ ره‌وانه‌كرن.

د.شاكر عه‌بدولعه‌زیز، رێڤه‌به‌رێ ساخله‌میا قه‌زا ئامێدیێ بۆ (باسنیوز) دگه‌ل درۆستبونا رۆیدانێ دیاركربو: "ژ به‌ر كۆ لاشێ وى زه‌لامى ب رێژا 90% هاتبوو سۆتن له‌ورا ئه‌گه‌رێ گیان ژ ده‌ستدانا وان نه‌هابتو زانین و ته‌رمێن وان بۆ نۆژداریا داد یا دهۆكێ هاتبونه‌ ره‌وانه‌كرن".

ژلایه‌كێ دیتر ڤه‌ پشتى كۆ ته‌رمێن وان ل ئامێدیێ بۆ نۆژداریا داد یا دهۆكێ هاتینه‌ ره‌وانه‌كرن، نۆژدارێن داد ل دهۆكێ پشكنین ل سه‌ر ته‌رمێن هه‌ردوو كه‌سان ئه‌نجام دانه‌ و ده‌رئه‌نجامێ پشكنینان دیار بوویه‌ كۆ هه‌ردوو كه‌سان ژ ئه‌گه‌رێ لێدانا بریسیێ گیانێ خۆ ژ ده‌ستدایه‌ و پاشان ژلایێ كه‌س و كارێن وان ڤه‌ ته‌رمێن هه‌ردوو كه‌سان بۆ ناحیا دێرالۆكێ هاتنه‌ ڤه‌گۆهاستن و ل گۆرستانا وێ ده‌ڤه‌رێ هاتنه‌ ڤه‌شارتن.

جهێ ئاماژه‌ پێدانێ یه‌ هه‌ردوو هه‌ڤژین ب ناڤێ كازم خۆرشید و بۆشرا محه‌مه‌د سه‌دیق دژیێن ناڤبه‌را 45 بۆ 50 سالیێ دانه‌، خۆدان زارۆكن و نێزیكى 5 زارۆكان هه‌نه‌، خه‌لكێ ناحیا دێرالۆكێ سه‌ر ب قه‌زا ئامێدیێ ڤه‌ بوون، پشتى ئه‌ڤرۆ سه‌ره‌دانا ناڤا باغ و بیستانێن خۆ كرین، ژ نشكه‌كێ ڤه‌ دكه‌ڤنه‌ به‌ر تیشكێن بریسیێ و گیانێ خۆ ژ ده‌ست دده‌ن.