ڕانیە.. دوو کەس بە دراوی ساختەوە دەستگیرکران
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ڕانیە.. دوو کەس بە دراوی ساختەوە دەستگیرکران

ئەمرۆ پێنجشەممە ھێزەکانی ئاسایشی راپەرین لە سنووری رانیە دوو کەسیان بە بڕێکی زۆر دراوی ساختەوە دەستگیر کرد.

محەمەد فازڵ، گوتەبێژی ئاسایشی راپەرین، بە (باسنیوز)ی راگەیاند: "ئەمرۆ ھێزەکانی ئاسایشی ڕاپەڕین لە بازگەی بانوەقەل لە سنووری راپەرین توانیان دوو گومانلێکراو دەستگیر بکەن بە ناوەکانی (ع،ع،ک) و (س،خ،ب) کە ماتۆڕسیکلێکیان پێبووە و بڕی دوو ملیۆن و (٤٧٥٠٠٠) دیناری عێراقی لە جۆری پێنج هەزاریی ساختەیان پێ بووە".


گوتیشی: "پاش ئاگادار کردنەوەی دادوەر و بە فەرمانی دادوەر ڕاگیراون بە ماددەی (٢٨١) لە یاسای سزادانی عێراقی پەڕاوی لێکۆڵینەوەیان بۆ کراوەتەوە و لێکۆڵینەوە لەم دۆسیەیە بەردەوامە".