سەیرترین هەڵمەتی هەڵبژاردن لە مەكسیك ئەنجام درا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

سەیرترین هەڵمەتی هەڵبژاردن لە مەكسیك ئەنجام درا

لە وڵاتی مەكسیك یەكێك لە كاندیدەكان ڕێگەیەكی سەیری بەكار هێنا بۆ خۆپاڵاوتنی لە هەڵبژاردنی داهاتووی وڵاتەكەی.

كارلوس مایورگا كە كاندیدی یەكێك لە پارتەكانی ئەو وڵاتەیە لە ناو تابووتەوە هەڵمەتەكانی هەڵبژاردنی دەست پێكرد، ئەم كارەشی وەكو كاردانەوەیەك بوو بەرامبەر حكوومەتی وڵاتەكەی كە كەمتەرخەم بووە بەرامبەر ئەو هەموو قوربانیانەی بە هۆی كۆرۆنا لە وڵاتەكە كەوتوونەتەوە.

كارلوس لەبەردەم میدیاكانی وڵاتەكەی گوتی لە كاتێكدا ڕێژەی تووشبووانی كۆرۆنا لە وڵاتەكەیان ڕۆژ لەدوای ڕۆژ لەزیادبووندایە، بەڵام دەسەڵاتدارانی وڵاتەكەی بێدەنگیان هەڵبژاردووە.

جێی باسە بە پێی دوایین ئامارەكان وڵاتی مەكسیك یەكێكە لەو وڵاتانەی جیهان كە بە هۆی كۆرۆناوە زۆرترین هاووڵاتی گیانیان لەدەست داوە، بە پێی دوایین ئامارەكان ژمارەی مردووان لەو وڵاتە بەهۆی پەتای كۆرۆناوە گەیشتووەتە 200 هەزار كەس.