پارێزگاری هەولێر: خەڵکی هەولێر پابەندی بڕیاری قەدەغەی هاتوچۆن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

پارێزگاری هەولێر: خەڵکی هەولێر پابەندی بڕیاری قەدەغەی هاتوچۆن

 

پارێزگاری هەولێر لە بارەی شەوی یەکەمی بڕیاری قەدەغەی هاتوچۆ ئاشکرایکرد کە لەسەرەتای جێبەجێکردنى بڕیاری قەدەغەی هاتوچۆدا خەڵک بەڕێژەیەکى باش پابەندن.

ئومێد خۆشناو، پارێزگاری هەولێر بە (باسنیوز)ی ڕاگەیاند: "لەسەرەتاى جێبەجێکردنى بڕیاری قەدەغەی هاتوچۆدا خەڵک بەڕێژەیەکى باش پابەندن، ئەگەر ئەمشەو رێوشوێنەکان زۆر توند نەبن ئەوە لە رۆژانى داهاتوو ئەوانە سزا دەدرێن کە سەرپێچى دەکەن و هێزەکانیش کاری خۆیان دەکەن".

گوتیشى: "خەڵکی هەولێر پابەندە، هاتوچۆى ئۆتۆمبێل کەمە، بەڵام دوکان و بازاڕەکان سەرجەمیان داخراون، لەچەند رۆژى داهاتوودا ئەنجامى ئەو پابەندبوونەى خەڵک دەبینین کەچاوەڕوان دەکرێت ببێتە هۆى نزمبوونەوەى ئامارەکانى تایبەت بە کۆرۆنا".

هەروەها پارێزگاری هەولێر، جەختی لەوەش کردەوە: "ئەگەر خەڵک پابەند نەبێت دۆخەکە بەرەو خراپى دەڕوات".

بەپێی بڕیارى وەزارەتى ناوخۆ، قەدەغەى هاتوچۆى سنوردار لەنێوان کاتژمێر 8ی شەو بۆ 6ی بەیانى، چووە وارى جێبەجێکردنەوە.