گەرمیان.. ژنێک بە تەزووی کارەبا گیانی لەدەست دا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

گەرمیان.. ژنێک بە تەزووی کارەبا گیانی لەدەست دا

ئێوارەی ئەمڕۆ پێنجشەممە، لە ناحیەی رزگاریی سەر بە شارۆچكەی كەلاری ناوەندی ئیدارەی گەرمیان، ژنێک بەهۆی بەركەوتنی بە تەزووی كارەبا گیانی لەدەست دا.

موقەدەم یاسین محەمەد، بەرپرسی بنكەی پۆلیسی شارەدێی رزگاری سەربەپۆلیسی گەرمیان، بە (باسنیوز)ی راگەیاند: "ئێوارەی ئەمڕۆ پێنجشەممە، لە گەڕەكی شاكەلی شارەدێی رزگاری ئافرەتێكی تەمەن 45 ساڵ بە ناوی(س، ك، ع)كە دایكی دوو منداڵە بەهۆی بەركەوتنی بە تەزووی كارەبا گیانی لەدەست دا".

گوتیشی: "ئەو ئافرەتە لە كاتی شۆردنی راخەر و فەرشی وەرزی زستان، تەنافی ماڵەوەیان بووە بە كارەبا و بەو هۆیەوە تەزووی كارەبای بەركەوتووە و گیانی لەدەست داوە".

راشیگەیاند: "تەرمی ئەو ئافرەتە براوەتە پزیشكی دادیی كەلار و کەسوکارەکەشی سکاڵایان نەبووە".