ل سەرسنکێ کەسەک کەفتە بن تراکتۆرێ و گیانێ خۆ ژدەست دا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ل سەرسنکێ کەسەک کەفتە بن تراکتۆرێ و گیانێ خۆ ژدەست دا

 

ئێڤاریا ئەڤرۆ یا رۆژا پێنج شەمبی ل ناحیا سەرسنکێ یا سەر ب قەزا ئامێدیێ ڤە کەسەک ل دەمێ کارکرنێ دکەڤێتە بن تراکتۆرێ و ھەر ئێکسەر گیانێ خۆ ژدەست ددەت.

مقەدم ھێمن سێلمان، پەیڤدارێ رێڤەبەریا پۆلیسێن پارێزگەھا دھۆکێ بۆ (باسنیوز) دیارکر: "ئێڤاریا ئەڤرۆ یا رۆژا پێنج شەمبی ل ناحیا سەرسنکێ یا سەر ب قەزا ئامێدیێ ڤە کەسەک ب ناڤێ (یۆسف حەسەن حسێن) کۆ دژیێ (٥٠) سالیێ دایە ل دەمێ کارکرنێ ژ نشکەکێ ڤە تراکتۆرا وی وەرگەریایە و ھەر ئێکسەر گیانێ خۆ ژدەستدایە".

پەیڤدارێ رێڤەبەریا پۆلیسێن پارێزگەھا دھۆکێ گۆتژی: "خۆدێ ژێ رازی خێزاندارە و ھەر ئاکنجیێ ناحیا سەرسنکێ یە و تەرمێ وی بۆ نۆژداریا داد ھاتیە رەوانەکرن و دویڤ دا ژلایێ کەس و کارێن وی ڤە ل گۆرستانەکا وێ دەڤەرێ ھاتیە ڤەشارتن".

دۆپات ژی کر: "دەمێ حەفتیەکێ یە ئەڤە دووەم حالەتێ ب ڤی رەنگی یە روددەت کۆ بەریا چەند رۆژان ژی ل ناحیا بامەرنێ ھەر ل قەزا ئامێدیێ جۆتیارەکێ دیتر کۆ دژیێ (٦٠) سالیێ دا بوو ل دەمێ کارکرنێ کەفتبو بن تراکتۆرا خۆ و گیانێ خۆ ژدەستدابو".