وێنەیەکی گەورەی سەدام حوسێن لە پرسەی دادوەر محەمەد عورێبی دانرا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

وێنەیەکی گەورەی سەدام حوسێن لە پرسەی دادوەر محەمەد عورێبی دانرا

لە پرسەی ئەو دادوەرەی سزای لەسێدارەدانی بەسەر سەدام حوسێنی سەرۆکی رژێمی بەعسدا سەپاند، وێنەیەکی گەورەی سەدام دانرا.

کەسوکاری محەمەد عورێبی، دادوەری دادگای باڵای تاوانەکانی عێراق، کە پرسەکەیان لە بەغدا دانا، وێنەیەکی گەورەی سەدام حوسێنیان لەناو دەرگای چوونەژوورەوەی هۆڵی پرسەکە، لەسەر زەوی راخستبوو.

هەر کەسێک چووبێتە پرسەکەی محەمەد عورێبی، پێویست بووە بەسەر وێنەی سەدام حوسێندا بڕوات.

رۆژی هەینی 2-4-2021، دادوەر محەمەد عورێبی، بەهۆی سەختیی تووشبوونی بە پەتای کۆرۆنا، گیانی لەدەست دا.

محەمەد عورێبی لە ساڵی 1969 لە بەغدا لەدایک ببوو. ساڵی 1992 کۆلێژی یاسای لە هەمان شار تەواو کرد و دوای تەواوکردنی خوێندنی پەیمانگای دادوەریش لە ساڵی 1998، لە ساڵی 2000 بە مەرسومێکی سەرۆکایەتی کرایە دادوەر.

لە رۆژی 5-11-2006، دادگای باڵای تاوانەکان لە عێراق، بە سەرۆکایەتیی دادوەر محەمەد عورێبی، سزای لەسێدارەدانی بەسەر سەدام حوسێن، سەرۆکی رژێمی بەعسی عێراقدا سەپاند.