گونده‌ك ل قه‌زا ئامێدیێ دێ هێته‌ كه‌ره‌نتیكرن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

گونده‌ك ل قه‌زا ئامێدیێ دێ هێته‌ كه‌ره‌نتیكرن

50  حاله‌تێن كۆرونایێ لێ په‌یدا بوونه

ژ ئه‌گه‌رێ توشبوونا هژماره‌كا زۆر ژ خه‌لكێ گوندێ داودیێ ل ناحیا بامه‌رنێ سه‌ر ب قه‌زا ئامێدیێ ڤه‌، ژڤانه‌ ده‌مه‌ك نێزیك ئه‌و گونده‌ بهێته‌ كه‌ره‌نتیكرن.

د.ئه‌فرا سیاب موسا رێڤه‌به‌رێ گشتى یێ ساخله‌میا پارێزگه‌ها دهۆكێ داخویانیه‌كا تایبه‌ت دا بۆ (باسنیوز) دیار كر: "ژ به‌ر كۆ به‌ریا 3 رۆژان 50 كه‌س ل ناڤا گوندێ داودیێ سه‌ر ب ناحیا بامه‌رنێ ل سنورێ قه‌زا ئامێدیێ تووشى په‌تایا كۆرونایێ ببون، ئه‌ڤرۆ مه‌ سه‌ره‌دانا وى گوندى كریه‌ و ژ نێزیك هایدارى وێ ره‌وشێ نه‌ و گۆت ژى: ئه‌ڤرۆ مه‌ ده‌ست ب پشكنینێن مه‌یدانى ل ناڤا وى گوندى دا كرینه‌ تا كۆ بزانین چه‌ند كه‌سێن دیتر ل ناڤا ڤى گوندی دا توشى كۆرونایێ بوونه‌".

رێڤه‌به‌رێ گشتى یێ ساخله‌میا پارێزگه‌ها دهۆكێ ب رێكا (باسنیوز) دۆپات ژى كر: "ئه‌م دێ هه‌ماهه‌نگیێ دگه‌ل قایمقامێ قه‌زا ئامێدیێ ئه‌نجام ده‌ین تا كۆ ئه‌ڤ گونده‌ ب ته‌مامى بهێته‌ كه‌ره‌نتیكرن چونكه‌ ل رۆژێن بۆرى دا 50 كه‌س تووشى كۆرونایێ بوونه‌ و هه‌لبه‌ت ئه‌ڤرۆ پشكنین هاتنه‌ كرن و پێشبینیا حاله‌تێن زێده‌تر دكه‌ین و دهه‌مان ده‌مدا رۆژێن بۆرى دا كه‌سه‌كێ خه‌لكێ ڤى گوندى ژ ئه‌گه‌رێ كۆرونایێ گیانێ خۆ ژ ده‌ستدایه‌ و دخازین خه‌لك پابه‌ندى رێنمایان بن تا كۆ گیانێ وان نه‌كه‌ڤیته‌ به‌ر چ مه‌ترسیان".