ل دهۆكێ هژماره‌كا قایمقام و رێڤه‌به‌رێن ناحیان هاتنه‌ گۆهرین
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ل دهۆكێ هژماره‌كا قایمقام و رێڤه‌به‌رێن ناحیان هاتنه‌ گۆهرین

ل دهۆكێ ب په‌سه‌ندكرنا پتریا ده‌نگێن ئه‌ندامێن ئه‌نجۆمه‌نێ پارێزگه‌ها دهۆكێ هژماره‌كا قایمقام و رێڤه‌به‌رێن ناحیان هاتنه‌ گۆهرین.

ئه‌ڤرۆ چارشه‌مبێ 7/4/2021، فه‌هیم عه‌بدولا، سه‌رۆكێ ئه‌نجۆمه‌نێ پارێزگه‌ها دهۆكێ، د كۆنگره‌یه‌كێ رۆژنامه‌ڤانىدا گۆت: "ل گۆر برگا ئێك ژ مادێ 28 ژ په‌یره‌وێ نافخو یێ جڤاتا پارێزگه‌ها دهۆكێ و پالپشت ب بریارا هژمارا ئێك سالا‌ 2015ێ یا په‌رله‌مانێ كوردستانێ یا تایبه‌ت ب به‌ربژێركرنا سه‌رۆكێن یه‌كەیێن ئیدارى ژوانا ژى قایمقام و رێڤه‌به‌ریێن ناحیان، مه‌ وه‌ك ئه‌نجۆمه‌نێ پارێزگه‌ها دهۆكێ كۆمبوونا خۆ یا ئاسایی یا هژمارا 114ێ ل سالا 2021ێ رۆژا 7/4/2021ێ ئه‌نجام دا و هژماره‌كا قایمقام و رێڤه‌به‌رێن ناحیان هاتنه‌ گۆهرین و ب ده‌نگێن پتریا ئه‌ندامان ئه‌و قایمقام و رێڤه‌به‌رێن ناحیان هاتنه‌ په‌سه‌ندكرن و دێ بۆ ئه‌نجۆمه‌نێ وه‌زیران هێنه‌ فرێكرن".

سه‌رۆكێ ئه‌نجۆمه‌نێ پارێزگه‌ها دهۆكێ گۆت ژى: "ئەڤرۆ دوو قایمقام و پێنج رێڤەبەرێن ناحیان ھاتنە گۆھرین، کۆ ھەر ئێک ژ قایمقامێ ئامێدیێ و زاخۆ و رێڤەبەرێن ناحیێن بجێل و گردەسین ل قەزا ئاکرێ و شێلادزێ و مانگێشک و زاویتە ھاتنە گۆھرین و ل دەمەک نێزیک گەرەکا دی یا گۆھرینا دێ ھێنە ئەنجامدان".