لە توركیا دەست بەسەر ماڵ و سامانی ٣٧٧ كەسدا گیرا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لە توركیا دەست بەسەر ماڵ و سامانی ٣٧٧ كەسدا گیرا

وەزارەتی دارایی و ئابووریی توركیا بڕیاری دا، دەست بەسەر ماڵ و سامانی ٣٧٧ كەسدا بگرێت، كە هەموویان سەر بە پارتی كرێكارانی كوردستان (PKK) و بزووتنەوەی خزمەت و گرووپی تیرۆریستیی داعشن.

وەزارەتی دارایی و ئابووری توركیا بڵاوی كردەوە، ٢٠٥ كەسی سەر بە بزووتنەوەی خزمەت كە فەتحوڵا گولەن سەرۆكایەتیی دەكات، ماڵ و سامانیان دەستی بەسەردا گیراوە، لەنێو لیستەكەدا ناوی فەتحوڵا گولەن لە ریزبەندی یەكەمدا دێت و بە دوای ئەویش ناوی کەسانێکی (ئەكرەم دومانڵی و هیدایەت كەرەجە، عەبدوڵا ئایماز، جەمال وشاك، جەودەت توركیۆڵوو، مستەفا ئۆزحان، مستەفا یەشیل) دێن.

بە هەمان شێوە، وەزارەتی دارایی و ئابووری، دەستی بەسەر ماڵ و سامانی ٧٧ كەسی دیکەشدا گرتووە كە سەر بە PKKن و کە لەنێویاندا ناوی کەسانێکی وەک (موراد قەرەیلان، جەمیل بایك، عەلی حەیدەر كایتان، دوران كاڵكان، هولیا ئۆران، فەهمەن حوسێن و فەرهاد عەبدی) دەبیندرێت.

ئەوانەی تریش سەر بە ڕێكخراوی تیرۆریستی داعشن و ماڵ و سامانەكەیان لە توركیا دەستی بەسەردا گیراوە.

ئەم بڕیارەش لە ڕۆژنامەی فەرمیی دەوڵەت بڵاو كراوەتەوە.