پەرلەمانتارێکی تورکیا: هاووڵاتییانی تورکیا بە قەیرانێکی سەختی ئابووریدا تێدەپەڕن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

پەرلەمانتارێکی تورکیا: هاووڵاتییانی تورکیا بە قەیرانێکی سەختی ئابووریدا تێدەپەڕن

پەرلەمانتارێکی پارتی دیموكراتی گەلان (هەدەپە) رایدەگەیەنێت، هاووڵاتییانی توركیا بە قەیرانێكی سەختی ئابووریدا تێدەپەڕن.

دەزگای ئاماری توركیا لە راپۆرتێكدا رێژەی هەڵاوسانی ئابووری بۆ مانگی 3ی 2021 ئاشکرا کردووە، كە 16%ـەیە، بەڵام گارۆ پایڵان، پەرلەمانتاری پارتی دیموكراتی گەلان (هەدەپە) ئەو زانیارییە رەت دەکاتەوە و رایدەگەیەنێت، ”ئەگەر بچیتە ناو بازاڕ و خەڵک تێدەگەیت، کە ئەو ژمارەیە زۆر هەڵەیە، چونكە هەڵاوسانی ئابووری لە توركیا گەیشتووەتە 30%“.

پایڵان لە هەژماری تایبەتیی خۆی لە تۆڕی کۆمەڵایەتیی (تویتەر)، جەختی لەوە کردووەتەوە، کە ژیانی هاووڵاتییانی توركیا لەڕووی ئابوورییەوە ”لەوپەڕی خراپییە و لە قەیرانێكی سەختی ئابووریدا دەژین“.

ئەو پەرلەمانتارەی هەدەپە رەجەب تەییب ئەردۆغانی سەرکۆماری تورکیا بە هۆکاری هەڵاوسانی ئابووری و خراپیی باری دارایی خەڵکی تورکیا تۆمەتبار دەکات، چونکە دوای ئەوەی پارێزگاری بانکی ناوەندیی وڵاتەکەی لە کارەکەی دوورخستەوە، بەهای لیرەی تورکی دابەزی و کەلوپەل و پێویستییەکان گرانبوون و بارگرانییان لەسەر هاووڵاتییان دروست کرد.