پۆلیسێن دھۆکێ کچەکێ ژ خۆ کوشتنێ رزگار دکەن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

پۆلیسێن دھۆکێ کچەکێ ژ خۆ کوشتنێ رزگار دکەن

ژلایێ پۆلیسێن پارێزگەھا دھۆکێ ڤە کچەک ژ مرنێ ھاتیە رزگارکرن، پشتی کۆ ھەولدای خۆ ل بەنداڤا دھۆکێ دا بخەندقینت.

مقەدم ھێمن سلێمان، پەیڤدارێ رێڤەبەریا پۆلیسێن پارێزگەھا دھۆکێ بۆ (باسنیوز) دیارکر: "سپێدەھیا ئەڤرۆ رۆژا دووشەمبی 5/4/2021، پەیوەندی ب پۆلیسێن مە یێن ھەوارھاتنێ ھژمارا 104 ھاتیە کرن، کۆ کچەکێ قەستا بەنداڤا دھۆکێ کریە ب مەرەما خۆ کوشتنێ ل ناڤا ئاڤا بەنداڤێ دا، ھەر ئێکسەر پۆلیس بەرەڤ بەنداڤا دھۆکێ ڤە چوونە و شیانە ئەوێ کچێ قۆرتال بکەن و نەھێلن خۆ بکۆژیت".

پەیڤدارێ رێڤەبەریا پۆلیسێن پارێزگەھا دھۆکێ گۆتژی: "ئەو کچە دژیێ 20 سالیێ دا بوو، ئەڤرۆ ھەولدایە خۆ بھاڤێتە ناڤا ئاڤا بەنداڤا دھۆکێ و دۆماھی ب ژیانا خۆ بینیت، لێ دلخۆشی ڤە پۆلیسێن مە شیان ھەر بلەز جھێ دەستنیشانکری بەرھەڤ ببن و وێ کچێ قۆرتال بکەن، نۆکە یا ب سلامەتە و بۆ خێزانا وێ ھاتیە ڤەگەراندن ڤە".