رۆژبین و فه‌هیمایێ به‌رهه‌مه‌كێ نی به‌لاڤ كر
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

رۆژبین و فه‌هیمایێ به‌رهه‌مه‌كێ نی به‌لاڤ كر

ل دوو رۆژێن بۆرى دا، هه‌ردوو كچێن سترانبێژ رۆژبین كزل و فه‌هیمایێ كۆ خشكێن ئێكن نیترین به‌رهه‌مێ خۆ یێ هونه‌رى ب ناڤ و نیشانێن (ئه‌زم) به‌لاڤ كر.

زانا كزل، كۆ بابێ رۆژبینێ یه‌ و د هه‌مان ده‌م دا وه‌كه‌ وێنه‌گر و ده‌رهێنه‌رێ كارێن رۆژبینێ بۆ (باسنیوز) دیاركر: "نووترین به‌رهه‌مێ هونه‌رى یێ رۆژبینێ كۆ خیشكا وێ فه‌هیما ژى دگه‌ل پشكدار بوویه‌ ل كلیپا ب ناڤێ (ئه‌زم)‌، كۆ ب نیترین كلپیا رۆژبین و فه‌هیمایێ دهێت نیاسین".

گۆت ژى: "ئه‌ڤ كلیپه‌ ژ په‌یڤ و ئاوازێن رۆژبینێ بخۆ بوونه‌، هه‌مان ده‌م دا كارێ وێنه‌گرتنێ من بخۆ ئه‌نجام دایه‌، هه‌ردوو كچێن من رۆژبین و فه‌هیما خودانێن كلیپێ نه‌".

بابێ رۆژبینێ ئه‌و چه‌نده‌ ژى دیاركر: "مه‌ پلان هه‌بوویه‌ قه‌ستا هه‌رێما كۆردستانێ بكه‌ین و كارێن هونه‌رى ئه‌نجام بده‌ین، لێ په‌تایا كۆرونایێ بوویه‌ ئه‌گه‌ر، هه‌ر ده‌مێ ره‌وش باشتر بوو بێ دوو دلى دێ قه‌ستا هه‌رێما كۆردستانێ كه‌ین".

دۆپات ژى كر: "كلیپا نها دا هه‌ردوو كچێن من پشكدار بوونه‌ و یا د شیان دابیت دێ خزمه‌تا هه‌ردوو كچێن خۆ كه‌م، تا كۆ بشێن خزمه‌تا هونه‌رێ كوردى بكه‌ن".

رۆژبین كزل، ژدایكبوویا سالا 1999یه‌، كچه‌ك كوردا خه‌لكا باكورێ كوردستانێ یه‌، ل وه‌لاتێ ئه‌لمانیا ژیانا خۆ ده‌رباز دكه‌ت، ده‌ما پێنج سالا یه‌ هاتیه‌ ناڤا هونه‌رێ كوردی دا و خودانا 13 كلیپا و زێده‌تر ژ 50 سترانێن تۆماركرى یه‌ و دوماهى كلیپا وێ ب ناڤ و نیشانێ (ئه‌زم) هاتیه‌ به‌لاڤكرن.