فەلەکناسێک یەکەم رۆژی مانگی رەمەزان دیاری دەکات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

فەلەکناسێک یەکەم رۆژی مانگی رەمەزان دیاری دەکات

فەلەکناسێکی عەرەب یەکەم رۆژی مانگی رەمەزان و جەژنی رەمەزان دیاری دەکات.

ئیبراهیم جەروان، ئەندامی یەکێتیی عەرەبی بۆ زانستە گەردوونییەکان و فەلەکناسی، رایگەیاندووە، لە زۆرینەی وڵاتانی ئیسلامی رۆژی سێشەممە 13-4-2021 یەکەم رۆژی مانگی رەمەزانە و رۆژی 13-5-2021یش یەکەم رۆژی جەژنی رەمەزانە.

ئەو وڵاتانەی بە باوەڕی ئیبراهیم جەروان رۆژی 13ـی ئەم مانگە تێیاندا دەبێتە رەمەزان، بریتین لە ئەندەنووسیا، مالیزیا، ئێران، برۆنای، عومان، ئیمارات، سعودیە، ئوردن، سووریا، لیبیا، جەزائیر، مەغریب، مۆریتانیا و وڵاتانی ئیسلامی لە ئەفریقیا.

بە گوتەی ئەو فەلەکناس، بەهۆی ئەوەی لە وڵاتانی عێراق، میسر، تونس و تورکیا مانگی شەعبان لە 14-3-2021 دەستی پێکرد، بۆیە لەو وڵاتانە رۆژێک زووتر، واتە لە ئێوارەی رۆژی یەکشەممە 11ـی ئەم مانگە چاودێریی بینینی مانگ دەکەن و ئەگەر بینرا، رۆژی دووشەممە 12-4-2021 دەبێتە یەکەم رۆژی مانگی رەمەزان.

ئیبراهیم جەروان پێشیوایە ئەستەمە لە وڵاتانی عێراق، تورکیا، میسر و تونس لە ئیوارەی رۆژی یەکشەممە مانگ ببیندرێ، چونکە لەو رۆژەدا مانگ بەر لە رۆژئاوابوون بزر دەبێت، بۆیە لەو وڵاتانەش رۆژی 13ـی مانگ دەبێتە یەکەم رۆژی مانگی رەمەزان.