کۆمپانیای فەیسبووک لە تۆڕە کۆمەڵایەتییەکەیدا، جارێکی دیکە سەرۆکی پێشووی ئەمریکا (2017-2021)، سزا دەدات.

لە دوایین رۆژەکانی سەرۆکایەتییەکەیدا، فەیسبووک پەیج و هەژماری دۆناڵد ترەمپی سەرۆکی پێشووی ئەمریکای بە تۆمەتی هاندانی توندوتیژی، داخست و تا ئێستا نەیکردوونەتەوە.

لارای هاوسەری ئێریکی کوڕی ترەمپ، پرۆمۆی چاوپێکەوتنێکی تەلەڤزیۆنیی دۆناڵد ترەمپی لە هەژماری تایبەتیی خۆی لە ئینستاگرام، کە موڵکی کۆمپانیاکەیە، بڵاو کردبووەوە، بەڵام ئەمڕۆ پێنجشەممە 1-4-2021 فەیسبووک پرۆمۆی چاوپێکەوتنەکەی سڕیوەتەوە.

لە دوایین رۆژەکانی سەرۆکایەتییەکەیدا، ترەمپ داوای لە لایەنگرانی کرد لەبەردەم بارەگای کۆنگرێس کۆ ببنەوە و ناڕەزایی دژی ەرنەچوونەوەی ترەمپ لە هەڵبژاردن، دەرببڕن، بەڵام لایەنگرانی ترەمپ هەڵیانکوتایە سەر کۆنگرێس.

لە هەڵبژاردنی رۆژی 3-11-2020، دۆناڵد ترەمپ لە بەرامبەر جۆ بایدنی کاندیدی دیموکراتەکان، شکستی هێنا و رۆژی 20-1-2021 دوایین رۆژی سەرۆکایەتییەکەی بوو.