قایمقامی ڕواندز: کار بۆ کردنەوەی مۆزەخەنایەكی كولتووری دەكەین
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

قایمقامی ڕواندز: کار بۆ کردنەوەی مۆزەخەنایەكی كولتووری دەكەین

بەمەبەستی پاراستنی شوێنەوارەكانی دەڤەرەكە، قایمقامی قەزای رواندز بە هەماهەنگی لەگەڵ بەڕێوەبەرایەتیی شوێنەواری سۆران، لە هەوڵی كردنەوەی مۆزەخەنایەكی شوێنەواریدان.

  لەمبارەوە ئەحمەد قادر، قایمقامی قەزای ڕواندز، بە (باسنیوز)ی راگەیاند: "ناوچەكەمان خاوەن چەندین شوێنی شوێنەوارەی و بناغەی قەڵا و كۆشك و تەلارەكانە كە لە كۆنەوە چەندین میرنشین دەستەڵاتیان لە دەڤەرەكە گرتووەتە دەست، بەتایبەتیش میرنیشنی سۆران لەسەر دەستی پاشای گەورەی ڕواندز و چەند پاشاو میرێكی دیكە، بەمەش دەڤەرەكە لەڕووی كولتوور و شوێنەواری كۆنەوە دەوڵەمەندە و دەكرێت زیاتر بایەخ بە مێژوو و كولتووری ناوچەكە بدرێت".

 ئەوەشی ئاشكرا كرد: "بوونی مۆزەخانەیەكی شوێنەواری و كولتووری زۆر بە گرینگ دەزانین بۆ سنوورەكەمان، بۆ ئەم مەبەستە بە هەماهەنگی لەگەڵ بەڕێوەبەرایەتیی شوێنەواری سۆران و لایەنە پەیوەندیدارەكان، لە هەوڵداین بۆ ئەوەی شوێنێكی گونجاو دەستنیشان بكەین و كار لەسەر كردنەوەی مۆزەخانەكە بكەین".

 ئاماژەی بەوەش دا: "بوونی مۆزەخانەیەكی شوێنەواری كولتووری لە دەڤەری سۆران  بەتایبەت لە سنووری رواندز زۆر بە گرینگ دەزانین، كە جگەلەوەی دەتوانرێت پارچە شوێنەوارییەكان تێیدا كۆ بكرێتەوە و بپارێزرێن، لە هەمانكاتیشدا هۆكارێكی گرینگ دەبێت بۆ زایاتر راكێشانی شوێنەوارناسان و گەشتیاران بۆ دەڤەرەكە".