گەورەترین ساختەکاریی دراو لە بولگاریا ئاشکرا دەبێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

گەورەترین ساختەکاریی دراو لە بولگاریا ئاشکرا دەبێت

هێزە ئەمنی و هەواڵگرییەکانی بولگاریا بە هەماهەنگیی هەواڵگریی ئەمریکی، گەورەترین ساختەکاریی دراو لە وڵاتەکەیان، ئاشکرا دەکەن.

داواکاری گشتیی بولگاریار رایگەیاندووە، پیاوێکی تەمەن 48 ساڵ و ژنێکی تەمەن 54 ساڵ، کە فەرمانبەر بوونە لە زانکۆیەکی ئەو وڵاتە، بە بەهای چوار ملیۆن دۆلار و سێ ملیۆن و 600 هەزار یۆرۆ، دراوی کاغەزییان چاپ کردووە.

ئەو ژن و پیاوە لە چاپخانەی زانکۆکە، کە ناوی ئەو زانکۆیە ئاشکرا نەکراوە، دوای دەوامی ئاسایی، دراوە ساختەکانیان چاپ کردووە و ئامادەیانکردووە بۆ ئەوی بینێرنە ئۆکرانیا و ئەوروپای رۆژئاوا.

پۆلیسی بولگاریا رایگەیاندووە، ئەو ساختەکارییە گەورەترین ساختەکاریی دراوە لە بولگاریا و ”کردەیەکی تاوانکاریی فراوانە“.