یاریدەدەرێکی رۆحانی: هەندێک وڵاتی عەرەبی بازرگانی بە ژن و کچانی ئێرانی دەکەن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

یاریدەدەرێکی رۆحانی: هەندێک وڵاتی عەرەبی بازرگانی بە ژن و کچانی ئێرانی دەکەن

یاریدەدەرێکی سەرکۆماری ئێران ژمارەیەک وڵاتی عەرەبی بە بازرگانیکردن بە ژن و کچانی ئێرانی، تۆمەتبار دەکات.

خاتوو مەعسومە ئیبتیکار، یاریدەدەری حەسەن رۆحانیی سەرکۆماری ئێران بۆ کاروباری ژنان و خێزان، رایگەیاندووە، ”هەندێک“ دەوڵەتی عەرەبی سەرنجی ژنان و کچانی ئێران بۆ کارکردن لە ماڵەکانیان وەک خزمەتگوزار، رادەکێشن.

مەعسومە ئیبتیکار هەروەها رایگەیاندووە، یەکێک لە هۆکارەکانی راکێشانی سەرنجی ژنان و کچانی ئێران لەلایەن ئەو وڵاتانەوە، دەوڵەمەندبوونی ئەو وڵاتانەیە.

ئەو یاریدەدەرەی حەسەن رۆحانی پێیوایە ئەو ژن و کچانەی بەناوی خزمەتکار دەبرێنە وڵاتانی عەرەبی، بازرگانییان پێدەکرێت و بۆ مەبەستی سێکسی بەکار دەهێندرێن.

مەعسومە ئیبتیکار ئاماژەی بەوەش کردوە، هەندێک جار هەزاران ژن و کچ لەو وڵاتە عەرەبییانە بە قاچاغ دەبرێنە ئەوروپا و لە کاری بەدڕەوشتی بەکار دەهێندرێن.