پەیمانگای کۆمپیتەری قەڵادزێ بە بۆنەی (٨)ی مارس، رۆژی جیھانیی ئافرەتانەوە، پێشانگایەکی زانستیی بۆ ژمارەیەک ئافرەتی بەهرەمەند کردەوە.
ئەمین ئەحمەد، بەرێوەبەری پەیمانگای کۆمپیتەری قەڵادزێ، بە (باسنیوز)ی راگەیاند: "ئەمرۆ بە بۆنەی (٨) مارس رۆژی جیھانی ئافرەتانەوە، چالاکییەکی زانستی و هونەریمان ئەنجامدا، ئەویش کردنەوەی پیشانگایەکی زانستیی پۆستەر بوو لە بواری زانستەکانی کۆمپیوتەر بۆ (١٦) کچ لە پەیمانگاکەمان".
راشیگەیاند: "ئامانج لە ئەنجامدانی ئەم چالاکییەکە دەرخستنی تواناکانی خانمانی پەیمانگا و پشتگیریکردنیان بوو بۆ پێشخستنیان لە بوارە زانستی و هونەرییەکە".