پارێزگەھا دھۆک و پارێزگەھەکا ئەمەریکا رێکەفتنەک ئیمزا کر
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

پارێزگەھا دھۆک و پارێزگەھەکا ئەمەریکا رێکەفتنەک ئیمزا کر

درەنگە ئێڤاریا ئەڤرۆ یا رۆژا ئێک شەمبی پارێزگارێ دھۆکێ و پارێزگارێ گۆێنزڤێل سەر ب ویلایەتا فلۆریدا ئەمریکی رێکەفتنەک لدور پێشئێخستنا کەلتور و جڤاک و چەند بوارێن دیتر دا ھەردوو لایان ئێمزا کر.

مللەت عسمەت،سکرتێرێ رۆژنامەڤانی یێ پارێزگارێ دھۆکێ بۆ(باسنیوز)دیارکر: " ئێڤاریا ئەڤرۆ رۆا شەمبی رێکەفتی 8-3-2021 ل هولا پارێزگه‌هێ ب رەنگەکێ ئونلاین د.على ته‌ته‌ر پارێزگارێ دهۆكێ ب ئاماده‌بونا سه‌روكێ جڤاتا پارێزگه‌هێ وده‌ڤه‌ردارێ دهۆكێ وهه‌ر پێنچ سه‌روكێن زانكویێن باژێرێ دهۆكێ وچه‌ند رێڤه‌به‌رێن گشتى رێكه‌فتنه‌كا دوو قولى یا (ده‌سته‌ خویشك) دگه‌ل لاورن پوی پارێزگارێ گوینزڤێل ل ویلایه‌تا فلوریدا یا ئه‌مریكى ئیمزا کر".

گۆتژی: "د رێورسمێن ئیمزاکرنا رێكه‌فتنێ دا پارێزگارێ دهۆكێ خوشحالیا خو دیاركر و بناڤێ كارگێریا پارێزگه‌هێ و هه‌موو به‌رهه‌ڤبویا سوپاسیا پارێزگارێ گوینزڤێل كر كۆ ئه‌ڤ رێكه‌فتنه‌ دبوارێن جودا جودا وه‌كو( چاندن وئابورى وكلتورى وپه‌روه‌رده‌یى وزانستى و ژینگه‌) دگه‌ل باژێرێ گوینزڤێل ل فلوریدا ل ئه‌مریكا هاته‌ ھاتنە ئیمزاکرن".

دۆپات ژی کر: "دهۆك ئێك ژ باژێرێن كه‌ڤناره‌ ل سه‌ر ئاستێ رۆهه‌لاتا ناڤین ب سه‌دان ساڵه‌ كلتورێ پێكڤه‌ ژیانێ وهه‌ڤدوو قه‌بلوكرنێ لێ هه‌یه‌ وخه‌لكێ وێ ب ئاشتى و برایه‌تى ب هه‌ڤره‌ دژین وئاماژه‌ دا جهێ ستراتیجى یێ دهۆكێ كۆ دكه‌ڤیته‌ سه‌ر توخیبێ تۆركى وسوریێ وئێكه‌م ده‌روازه‌یه‌ دگه‌ل ئه‌ورپا دهێته‌ گرێدان وزور یا ناڤداره‌ ب چاندنێ وگه‌شتیاریێ وچه‌ندین شونوارێن مێژویى ژى لێ هه‌نه‌ وژلایێ پیشه‌سازى ژى یا گه‌شێ دكه‌ت و چه‌ند ساله‌ پترى نیڤ ملیون ئاواره‌ وپه‌نابه‌ر لێ دژین وخواست كو رێكه‌فتن ببیته‌ هوكاره‌ك بو پێشئێخستنا هه‌موو بوارێن ناڤبرى وسه‌ره‌دان دناڤبه‌را هه‌ردوو ئالیان پتر بهێنه‌ كرن وهه‌ردوو لا پتر مفاى ژهه‌ڤدوو ببینن".

ئاماژە ب وێ چەندێ ژی دا: "هه‌ر بڤێ هه‌لكه‌فتنێ پارێزگارێ گوینزڤێل په‌یڤه‌ک پێشكێشكر وخوشحالیا خو ب رێكه‌فتنێ دیاركر وبه‌رهه‌ڤیا خو دیاركر بو هه‌ر هه‌ڤكاریه‌كێ و ل دور ئارمانجێن رێكه‌فتنێ پارێزگارێ دهۆكێ بو ده‌زگه‌هێن راگه‌هاندنێ دیارکریە ئه‌ڤ رێكه‌فتنه‌ بو دەمێ (5) سالایه‌ هه‌موو پێزانین دناڤبه‌را هه‌ردوو باژێران دا و وپه‌یوه‌ندیێن ئابورى وچاندنێ وكلتورى وئه‌كادیمى وره‌وشه‌نبیرى وزانستى وته‌ندورستى وپه‌روه‌رده‌یى وژینگه‌هى دێ هێنه‌ ئالوگوركرن وسه‌ره‌دان دناڤبه‌را هه‌ردوو ئالیان دێ هێنه‌ ئه‌نجامدان و دیسان چه‌ند باژێرێن دی ژى ل وه‌لاتێن ئه‌ورپا داخازكریه‌ كو ئه‌ڤ جوره‌ رێكه‌فتنه‌ بهێنه‌ واژوكرن وئارمانج ئه‌وه‌ ئه‌م هه‌رێما كوردستانێ وپارێزگه‌ها دهۆكێ ل هه‌مبه‌ر خه‌لكێ جیهانێ پتر بده‌ینه‌ نیاسین".