مەسرور بارزانی وەڵامی بانگەوازێكی مستەفا كازمی دەداتەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

مەسرور بارزانی وەڵامی بانگەوازێكی مستەفا كازمی دەداتەوە

پشتیوانی بۆ ئەنجامدانی گفتوگۆی نیشتمانی ڕاگەیاند

ئێوارەی ئەمڕۆ دووشەممە مەسرور بارزانی سەرۆكی حكوومەتی هەرێمی كوردستان پشتیوانی خۆی بۆ بانگەوازی مستەفا كازمی سەرۆك وەزیرانی عێراق ڕاگەیاند لەپێناو ئەنجامدانی گفتوگۆی نیشتمانی لە نێوان لایەنە عێراقییەكاندا.

سەرۆكی حكوومەتی هەرێمی كوردستان لە هەژماری خۆیدا لە تۆڕی كۆمەڵایەتیی (تویتەر) بە هەردوو زمانی كوردی و عەرەبی نووسیویەتی "بە ناوی حکوومەتی هەرێمی کوردستانەوە پێشوازی و پشتیوانی له‌‌ بانگه‌وازی سه‌رۆک وه‌زیرانی حکوومەتی فیدراڵ، به‌ڕێز مستەفا کازمی ده‌که‌م، بۆ گفتوگۆی نیشتمانیی نێوان لایه‌نه‌ عێراقییەکان لە پێناو چارەسەری ڕیشەیی هەموو کێشە و ناکۆکییەکان".

مەسرور بارزانی هەروەها نووسیویەتی "ئامادەیی خۆمان دەردەبڕین بۆ ڕێککه‌وتن و چارەسەری بنەڕەتی و یه‌کجاری هەموو کێشەکانی نێوان حکوومە‌تی فیدراڵی و هەرێمی کوردستان به‌ پێی بنەماکانی ده‌ستوور".

جێی باسە ئەمڕۆ دووشەممە سەرۆک وەزیرانی عێراق لە وتارێکدا، داوای ئەنجامدانی گفتوگۆی نیشتمانی لە نێوان لایه‌نه‌ ناکۆکه‌کانی عێراق کرد، هەروەها داوای کردبوو هەرێمی کوردستان و عێراق لەسەر بودجەی گشتیی ئەمساڵی عێراق ڕێك بكەون.