كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

ل دھۆکێ ئێکەم کەس ڤاکسینێ کۆرونایێ وەرگرت

سپێدەھیا ئەڤرۆ رۆژا شەمبی رێکەفتی 6/3/2021، ل باژێرێ دھۆکێ ئیکەم کەس قۆرچا ڤاکسینێ کۆرونایێ وەرگرت.

د.ئەفراسیاب مۆسا رێڤەبەرێ گشتی یێ ساخلەیا پارێزگەھا دھۆکێ د کۆنگرەیەکێ رۆژنامەڤانی دا گۆت: "ئەڤرۆ رۆژا شەمبی ل ناڤا نەخۆشخانا ئازادی مە دەست ب دانانا ڤاکسینێ کۆرونایێ کر، کۆ 50 ھزار قۆرچێن ئەڤێ ڤاکسینێ ژلایێ وەلاتێ چینێ ڤە وەکە بەھرا ھەرێما کۆردستانێ گەھشتنە ھەرێمێ كوردستانێ و 960 قۆرچ بۆ پارێزگەھا دھۆکێ ژلایێ وەزارەتا ساخلەمیا ھەرێمێ ڤە ھاتنە رەوانەکرن، کۆ دێ 460 کەس وەرگرن و ھەر کەسەک دێ دوو قۆرچێن ڤاکسینێ کۆرونایێ وەرگریت".

رێڤەبەرێ گشتی یێ ساخلەیا پارێزگەھا دھۆکێ ئەو چەندە ژی دیارکر: "بەراھیێ دێ کارمەندێن ساخلەمیێ ل نەخۆشخانێن کۆرۆنایێ ل دھۆک و دەورۆبەران کارکری ڤاکسینێ وەرگرن، کۆ ئەڤرۆ ژی نۆژدارەکێ دھۆکێ وەکە ئێکەم کەس فاکسین وەرگرت".

گۆت ژی: "ئەو کەسێن ل سەر ژیێ 50 سالیێ دا ژی ل دەمەک نێزیک دێ ڤاکسینی وەرگرن و ئەو کەسێن پتر ژ شەش ھەیڤانە تۆشی کۆرونایێ بووین و چارەسەر بووین دێ زوی ژ وەرگرتنا ڤاکسینی مفادار بن و لدویف ڤەکۆلینێن زانستی دیار بوویە کۆ دڤێت 70% خەلک ڤاکسینی وەرگریت تا کۆ پەتایا کۆرونایێ ب دروستی ل ناڤا جڤاکی دا نەمینیت".